புதுடில்லி, மே 10- இந்தியாவில் கிட்டத்தட்ட மூன்றில் ஒரு பங்கு பெண்கள் உடல் ரீதியான அல்லது பாலியல் வன் முறையை அனுபவித்திருக்கிறார்கள் என்று தேசிய குடும்ப நல ஆய்வு-5 அறிக்கை கூறுகிறது. நாட்டில் 18 முதல் 49 வயதுக்குட்பட்ட 30% பெண்கள் 15 வயது முதல் உடல் ரீதியான வன்முறையை அனுபவித்துள்ளனர்.
மேலும், 6% பேர் தங்கள் வாழ்நாளில் பாலியல் வன் முறையை அனுபவித்துள்ளனர். இந்த அறிக்கையை ஒன்றிய சுகாதாரத்துறை அமைச்சர் டாக்டர் மன்சுக் மாண்ட்வியா வெளியிட்டுள்ளார்.
திருமணமான பெண்களில் 32% (18-49 வயது) உடல், பாலியல் அல்லது துணையின் பாலியல் வன்முறையை அனுபவித்ததாக கணக்கெடுப்பு கண்டறிந்துள்ளது. வாழ்க்கைத் துணை வன்முறையின் மிகவும் பொதுவான வகை உடல்ரீதியான வன்முறை (28%) ஆகும், அதைத் தொடர்ந்து உள்ளம் மற்றும் உடல் ரீதியிலான பாலியல் வன்முறை.களும் இடம் பெறுகின்றன.
ஆனால், நாட்டில் 4% ஆண்கள் மட்டுமே குடும்ப வன்முறை வழக்குகளை எதிர்கொள்கின்றனர்.
பெண்களுக்கு எதிரான குடும்ப வன்முறை கருநாட காவில் 48% என அதிகமாக உள்ளது, அதைத் தொடர்ந்து பீகார், தெலங்கானா, மணிப்பூர் மாநிலங்கள் உள்ளன. லட்சத் தீவுகளில் குடும்ப வன்முறை 2.1% என்ற அளவில் குறைவாக உள்ளது.
நகர்ப்புறங்களில் உள்ள பெண்களு டன் ஒப்பிடும்போது (24%) கிராமப்புறங்களில் உள்ள பெண்களிடையே (32%) உடல்ரீதியான வன்முறை மிகவும் பொதுவாக அதிகமாக உள்ளது. அதேநேரம், பாதிக்கப்பட்ட பெண்கள் மற்றும் குற்றவாளிகளான ஆண்களிடையே அதிகரித்த பள்ளிப் படிப்பு மற்றும் செல்வம் காரணமாக பெண்களின் வன் முறை அனுபவம் குறைந்து வருகிறது.
பள்ளிப்படிப்பை முடித்த 18% பெண்களுடன் ஒப்பிடுகையில், பள்ளிப்படிப்பு இல்லாத 40% பெண்கள் உடல்ரீதியான வன்முறைக்கு ஆளாகிறார்கள் என்று கணக்கெடுப்பு கூறுகிறது. உடல் ரீதியான வன்முறையின் அனுபவம், மிகக் குறைந்த செல்வம் உள்ள பெண்களி டையே 39% மற்றும் உயர்ந்த செல்வம் உடையவர்களி டையே 17% வரை இருக்கும்.
பெண்களுக்கு எதிரான உடல் ரீதியான வன்முறைகளில் 80% வழக்குகளில், குற்றவாளி கணவர்தான். 12 அல்லது அதற்கு மேற்பட்ட ஆண்டுகள் பள்ளிப்படிப்பை முடித்த கணவர்கள், பள்ளிப்படிப்பு இல்லாதவர்களை விட (43%) உடல், பாலியல் அல்லது எமோஷனல் வன்முறையில் ஈடுபடுவதற்கான வாய்ப்புகள் பாதியாக (21%) உள்ளது.
இவ்வாறு அறிக்கை கூறுகிறது.
18-19 பிரிவினரை விட 40-49 வயதுடைய பெண்கள் அதிக வன்முறையை அனுபவிப்பதாக அறிக்கை கண் டறிந்து உள்ளது.
No comments:
Post a Comment