டில்லி, பஞ்சாப், உ.பி. உள்பட 6 மாநிலங்களில் இன்று இடைத்தேர்தல்

புதுடில்லி, ஜூன் 23 5 மாநிலங்கள் மற்றும் டில்லியில் உள்ள 3 மக்களவை மற்றும் 7 சட்டமன்ற தொகுதிகளுக்கான இடைத் தேர்தல் இன்று நடைபெறுகிறது. உத்தரப் பிரதேசத்தில் உள்ள அசம்கர் மற்றும் ராம்பூர் மற்றும் பஞ்சாபில் உள்ள சங்ரூர் ஆகிய 3 மக்களவைத் தொகுதிகளுக்கு தேர்தல் நடைபெறுகிறது. அதேபோல, டில்லியில் உள்ள ராஜிந்தர் நகர், ஜார்கண்டில் உள்ள மந்தர், ஆந்திராவின் ஆத்மகூர் மற்றும் அகர்தலாவில் உள்ள டவுன் போர்டோவாலி, திரிபுராவில் உள்ள சுர்மா மற்றும் ஜபராஜ்நகர் ஆகிய 7 சட்டமன்ற தொகுதிகளுக்கு தேர்தல் நடைபெறுகிறது. மேலும், தலைநகர் டில்லியில் காலியாக உள்ள ராஜிந்தர் நகர் சட்டமன்றத் தொகுதி இடைத்தேர்தலுக்கான வாக்குப்பதிவு நடைபெற்று வருகிறது. இன்று காலை 7 மணிக்கு தொடங்கிய வாக்குப்பதிவு விறுவிறுப்பாக நடைபெற்று வருகிறது. மாலை 6 மணிக்கு வாக்குப்பதிவு முடிவ டையும். தேர்வு முடிவுகள் ஜூன் 26ஆம் தேதி வெளியிடப்படும். ஆம் ஆத்மி கட்சியின் ராகவ் சதா மாநிலங்களவைக்கு தேர்ந் தெடுக்கப்பட்டதையடுத்து, காலியான டில்லி ராஜிந்தர் நகர் தொகுதிக்கு இடைத்தேர்த லுக்கான வாக்குப்பதிவு நடைபெற்று வருகிறது.