இணைய வழி பாலியல் துன்புறுத்தலில் ஈடுபடும் ‘கிட் ஹப்’ என்பது என்ன?

‘கிட் ஹப்' என்பது உலகின் மிகப்பெரிய பொதுப்பயன்பாட்டிற்கான மொபைல் செயலி ஆகும், இதில் பயனர்கள் தங்கள் திட்டங்களையும் குறியீட்டையும் பதி வேற்றி மற்றவர்கள் பார்க்க, திருத்த மற்றும் மாற்றங்களைச் செய்யலாம். ‘கிட் ஹப்' இன் யோசனை இதுதான்: எந்தவொரு பயனா ளரும் தங்களுக்கு உள்ள மென்பொருள் குறியீடு அல்லது பயன்பாட்டுக் குறியீடு அல்லது மென்பொருள் யோசனையைப் பதிவேற்றலாம், மேலும் மற்றவர்களின் ஒத்துழைப்போடு அதை மேம்படுத்தவும், பிழைகளைக் கண்டறியவும், சிக்கல்களைச் சரிசெய்யவும் செய்யலாம்.

 இந்த தளம் மூலம் பலர் ஏமாற்றுதல் பணம் பறித்தல் பெண்கள் குறித்து தவறான செய்திகளை வெளியிடல் போன்ற மோச மான செயலில் ஈடுபட்டு வந்தனர்.   இந்த நிலையில் மதவெறிகொண்டவர்கள் சிறு பான்மையினர் மீதான வெறுப்பை காட்ட இந்த தளங்களையும் பயன்படுத்தத் துவங்கி விட்டனர்.

குறிப்பிட்ட தளத்தில் ‘கிட் ஹப்' என்ற ஒரு செயலியை உருவாக்கி குறிப்பாக சிறு பான்மையினப் பெண்களை பாலியல் ரீதி யாக துன்புறுத்தும் விதமாகவும் அவர் களின்  படங்களைப் பகிர்ந்து கொள்ள பயன்படுத்தப்பட்டதாக செய்திகள் வெளியானது. இந்தச் செயலி, சிறுபான்மை பெண்களின் சமூக ஊடகப் பக்கங்களில் இருந்து திருடப்பட்ட  படங்களைப் பயன் படுத்தி, அவர்களை ஏலம் எடுக்க “பயனர் களை” அழைத்தது.

இது தொடர்பாக புகார் வந்ததை அடுத்து தகவல் தொழில்நுட்பத்துறை அமைச்சர் அஷ்வினி வைஷ்ணவ், அந்த செயலியை தடை செய்துள்ளதாக அறி வித்துள்ளார். மேலும் இணைய பாதுகாப்பு நிகழ்வுகளைக் கண்காணிப்பதற்கான நோடல் ஏஜென்சியான இந்திய கணினி அவசரநிலைப் பதிலளிப்பு அமைப்பை இந்த விசாரணைக்கான “உயர்மட்டக் குழுவை” அமைக்குமாறு கேட்டுக் கொண் டுள்ளார். பாதிக்கப்பட்ட சில பெண்களின் புகார்களின் பேரில் டில்லி மற்றும் மும்பை காவல்துறை வழக்குப் பதிவு செய்துள்ளனர்.

ஜூன் 2021இல், ‘கிட் ஹப்' செயலி உருவாக்கப்பட்டபோது இதே போன்ற பெயரைக் கொண்ட மற்றொரு செயலியும் இதேபோல் சிறுபான்மையினப் பெண் களைத் துன்புறுத்த பயன்படுத்தப்பட்டது. டில்லி மற்றும் நொய்டாவில் காவல்துறை புகார் பதிவு செய்தனர்.  ஆனால் விசாரணை யில் எந்த முன்னேற்றமும் இல்லை. ‘கிட் ஹப்' ஒத்துழைக்கவில்லை என்று டில்லி காவல்துறை கூறியுள்ளனர்.

இந்த நிலையில் அமெரிக்காவில் உள்ள செயலி உருவாக்கும் இளையதளம் ‘கிட் ஹப்' சம்பந்தப்பட்ட செயலியை அகற்றி யுள்ளது.  ஆனால் அகற்றுவதற்கான கார ணம் எதையும் குறிப்பிடவில்லை

இருப்பினும் இந்த செயலிகளில் வன் முறை உள்ளடக்கம், தவறான தகவல் அல்லது போலிச் செய்திகள், செயலில் உள்ள ஆபாசமான பதிவுகள், சுரண்டல்கள் ஆகியவற்றை பதிவிடுவது தடைசெய்யப் பட்டுள்ளது.

ஒரு பயனர் தளத்தின் விதிகளை மீறுவதாகப் புகாரளிக்கப்பட்டால், கிட் ஹப் அவர்களின் உள்ளடக்கத்தை அகற்றலாம் அல்லது தடுக்கலாம் மற்றும் கணக்கை இடைநிறுத்தலாம்.  ஆனால் இடைநீக்கம் எவ்வளவு காலம் நீடிக்கும் என்பது தெளி வாகத் தெரியவில்லை.

கொள்கைப் பக்கத்தில், “ஒவ்வொரு முறைகேடு அறிக்கையையும் தனித்தனி யாக மதிப்பாய்வு செய்வோம். ஒவ்வொரு சந்தர்ப்பத்திலும், உள்ளடக்கம் மற்றும் அதைச் சுற்றியுள்ள உண்மைகளை ஆராய்ந்து, இந்த வழிகாட்டுதல்களைப் பயன்படுத்தி, எங்கள் முடிவை வழிநடத்த பல்வேறு குழுவை நாங்கள் அமைப்போம்” என்று குறிப்பிடப்பட்டுள்ளது.

‘கிட் ஹப்'இன் யோசனையின் அடிப் படையில், ஒரு மின்னஞ்சல் வழங்கிய பிறகு யார் வேண்டுமானாலும் கணக்கைத் திறந்து குறியீட்டைப் பதிவேற்றலாம். ஒரு கணக்கு தடுக்கப்பட்டாலும் அல்லது நிறுத் தப்பட்டாலும் கூட, மற்றொரு மின்னஞ்சல் மூலம் புதிய ஒன்றை உருவாக்கலாம். மேலும் புண்படுத்தும் மென்பொருள் குறி யீடு அல்லது பயன்பாடுகள் வேறு வேறு பெயரில் மீண்டும் பதிவேற்றப்படலாம். இந்தியாவில் சிறுபான்மைச்சமூகப்  பெண் களை இச்செயலிகள் மூலம் துன்புறுத்திய இரண்டு கொடுமைகளிலும் இதுதான் நடந் ததாகத் தெரிகிறது.

ஏற்கனவே பதிவு செய்யப்பட்ட  “பய னர்கள் அல்லது குற்றம் சாட்டப்பட்ட நபர் கள்” பற்றிய விவரங்களை ‘கிட் ஹப்' இன் னும் புலனாய்வாளர்களுக்கு வழங்க வில்லை என்று டில்லி காவல்துறையின் இணையதளப் பிரிவு மூத்த அதிகாரி கூறும் போது “நாங்கள் அவர்களுக்கு கடிதம் எழுதியுள்ளோம். பரஸ்பர சட்ட உதவி ஒப்பந்த வழிகாட்டுதல்களைப் பின்பற்று மாறு கிட் ஹப் அதிகாரிகள் எங்களிடம் கேட்டுக் கொண்டனர்

நாங்கள் மீண்டும் ஒரு கோரிக்கையை அனுப்பினோம், அவர்கள் அதை அவர் களின் சட்டப் பிரிவுக்கு அனுப்பியுள்ளதா வும், சில ஆவணங்கள் காணாமல் போன தால் மீண்டும் விண்ணப்பிக்க வேண்டும் என்றார்கள். அவர்களின் (நிறுவனத்தின்) தரப்பிலிருந்து விசாரணைக்கு அழுத்தம் கொடுக்க நாங்கள் உள்துறை அமைச் சகத்தை அணுகியுள்ளோம்”என்று அந்த அதிகாரி கூறினார்.

 உடல் ரீதியிலான தாக்குதல்களை கல்வி அறிவற்ற வட இந்தியர்கள் சிறுபான் மையினர் மீது நடத்திகொண்டு இருக் கின்றனர். கல்வி அறிவுபெற்ற மற்றொரு மதவெறிக்கூட்டம் இணையதளம் செயலி கள் வழியாக சிறுபான்மையினர் மீது சைபர் தாக்குதல் நடத்திக்கொண்டு இருந்து தற்போது சிறுபான்மையினப் பெண்களை இழிவு படுத்தும் செயலில் இறங்கிவிட்டது.