மூன்று வேளாண் சட்டங்களைத் திரும்பப் பெறும் மசோதா; மக்களவையில் நிறைவேற்றம்

எதிர்க்கட்சிகளின் கோரிக்கை நிராகரிப்பு

புதுடில்லி, நவ.29- நாடாளுமன்ற குளிர்கால கூட்டத் தொடர் இன்று (29.11.2021) காலை 11 மணிக்கு தொடங்கி 23.12.2021வரை நடைபெறுகிறது.

ஒன்றிய பாஜக அரசு கொண்டு வந்த 3 புதிய வேளாண் சட்டங்களைத் திரும்பப் பெற வலியுறுத்தி கடந்த ஓராண்டாக நாடு தழுவிய அளவில் விவசாயிகள் தொடர்போராட்டத்தை நடத்தி வந்தனர். விவசாயி களுடன் ஒன்றிய பாஜக அரசு நடத்திய 11 சுற்று பேச்சு வார்த்தை தோல்வியில் முடிந்தது. 3 சட்டங்களையும் திரும்பப் பெறாமல் ஒன்றிய பாஜக அரசு பிடிவாதம் பிடித்தது. அதனால் விவசாயிகளின் போராட்டம் தொடர்ந்தது. விவசாயிகளின் போராட்டத்தில் 700-க்கும் மேற்பட்ட விவசாயிகள் உயிரிழந்தனர்.

இந்நிலையில், கடந்த 19.11.2021 அன்று பிரதமர் மோடி 3 வேளாண் சட்டங்களையும் திரும்பப் பெறுவதாக அறிவித்தார். ஆனாலும், நாடாளுமன்றத்தில் முழு மையாக 3 வேளாண் சட்டங்களையும் திரும்பப் பெறும்வரை போராட்டம் தொடரும் என்று விவசாயிகள் அறிவித்திருந்தனர்.

நாடாளுமன்றத்தின் குளிர்காலக் கூட்டத் தொடர் இன்று தொடங்கிய நிலையில், ஒன்றிய வேளாண்துறை அமைச்சர் நரேந்திர சிங் தோமர் 3  வேளாண் சட்டங் களையும் திரும்பப் பெறும் மசோதாவை மக்களவையில் தாக்கல் செய்தார். எதிர்க்கட்சி உறுப்பினர்கள் ஆதர வுடன்  மக்களவையில் 3 வேளாண் சட்டங்களைத் திரும்பப் பெறும் மசோதா நிறைவேற்றப்பட்டது.

இதன் மூலம் 3 வேளாண் சட்டங்களையும் திரும்ப பெறும் நடவடிக்கையின் முதல்படி தொடங்கியுள்ளது. இந்த மசோதா பின்னர் மாநிலங்களவையில் நிறை வேற்றப்பட்டு குடியரசுத் தலைவரின் ஒப்புதலுக்கு அனுப் பப்படும். அவர் ஒப்புதல் அளித்து அரசாணை வெளி யிட்ட பிறகே 3 வேளாண் சட்டங்களும் அதிகாரப் பூர்வமாக ரத்தாகும் என்பது குறிப்பிடத்தக்கது.

மக்களவை தொடங்கிய உடன் பல்வேறு கோரிக் கைகளை வலியுறுத்தி எதிர்க்கட்சி உறுப்பினர்கள் மக்களவைத் தலைவர் இருக்கையை முற்றுகையிட்டனர்.

மேலும், அவர்கள் தொடர் முழக்கங்களுடன் போராட்டத்தில் ஈடுபட்டதால் மக்களவைத் தலைவர் அவையை ஒத்திவைத்தார்.