கரோனா நோய் பரவல் அதிகமாவதை தடுக்க 18 வயதுக்கு மேல் உள்ள அனைவருக்கும் தடுப்பூசி

 பிரதமருக்கு இந்திய மருத்துவ சங்கம் பரிந்துரை

புதுடில்லி, ஏப்.7- நாடு முழுவதும் கரோனா 2ஆவது அலை ஏற்பட்டு வேகமாக பரவி வருகிறது. தினசரி நோய் பரவல் 1 லட்சத்தை தாண்டி இருக்கிறது.

இந்த நிலையில் நோயை கட்டுப்படுத்துவது தொடர்பாக இந்திய மருத்துவ சங்கம் பிரதமர் நரேந்திர மோடிக்கு கடிதம் ஒன்றை அனுப்பி உள்ளது. கரோனா நோய் வேகமாக பரவி வரும் இந்த சூழ்நிலையில் அதை கட்டுப்படுத்த 2 வழிகள்தான் உள்ளன. நோய் எதிர்ப்பு சக்தியை அதிகமாக்க வேண்டும். கரோனா தடுப்பூசி போடு வதை கட்டாயமாக்க வேண்டும்.

அவ்வாறு செய்தால் தான் கரோனா நோய் மேலும் பரவாமல் கட்டுக்குள் கொண்டு வர முடியும். தற்போதுவரை 7 கோடியே 91 ஆயிரம் பேருக்கு தடுப்பூசி போடப் பட்டுள்ளது. அதில் 6 கோடியே 81 லட்சம் பேருக்கு முதல் கட்ட தடுப்பூசியும், 1 கோடியே 5 லட்சம் பேருக்கு 2ஆவது தடுப்பூசியும் போடப்பட்டுள்ளன.

2ஆவது அலை நோய் பரவல் மிக வேகமாக அதிகரித்து வரும் இந்த சூழ்நிலையில் தடுப்பூசி போடு வதை போர்க்கால அடிப்படையில் இன்னும் வேகப்படுத்த வேண்டும்.

தற்போது 45 வயதுக்கு மேல் உள்ளவர்களுக்கு மட்டுமே தடுப் பூசி போடப்பட்டு வருகிறது. 18 வயதுக்கு மேல் உள்ள அனை வருக் கும் தடுப்பூசி போட வேண்டும். தடுப்பூசி போடுவதை கட்டாய மாக்க வேண்டும்.

தடுப்பூசி போட்டதற்கான சான்றிதழ் கையில் இருந்தால் தான் அவர்களை பொது இடங்களில் அனுமதிக்க வேண்டும். ரேஷன் பொருட்கள் வாங்குவதற்கும் இந்த சான்றிதழை கட்டாயமாக்க வேண்டும். தடுப்பூசி போடுவதை விரைவுபடுத்துவதற்கு இன்னும் பல ஏற்பாடுகளை செய்ய வேண் டும். தனியார் மருத்துவமனைகள், குடும்ப நல மருத்துவமனைகள் ஆகியவற்றில் ஊசிபோடுவதை தாராளமாக அனுமதிக்க வேண் டும். இவற்றின் எண்ணிக்கையை அதிகப்படுத்த வேண்டும். முகாம் கள் அமைத்தும் ஊசி போடலாம்.

மாவட்ட அளவில் தனியாக தடுப்பூசி குழு அமைக்க வேண்டும்.இதில் பொது மக்கள் மற்றும் தனியார் அமைப்புகளும் பங்கேற்க அனுமதிக்க வேண்டும். குறுகிய நேரத்திற்கு கண்டிப்பாக பொது முடக்கத்தை செயல்படுத்த வேண் டும். திரையரங்குகள் கலாச்சார கூடங்கள், மத நிகழ்ச்சிகள் போன்ற வற்றை தடுக்கலாம்.

அத்தியாவசியமற்ற நிகழ்ச்சி களை ரத்து செய்ய வேண்டும். இவ்வாறு அதில் கூறப்பட்டுள்ளது.

இந்த நிலையில் மராட்டியத்தில் நிலைமை மோசமாகி உள்ளதால், சில இடங்களில் சிறிய அளவிலான பொது முடக்கம் அறிவிக்கப்பட்டு உள்ளது. டில்லியில் இரவு நேர பொது முடக்கம் அறிவிப்பதற்கு ஆலோசிக்கப்பட்டு வருகிறது. இதற்கிடையே மத்திய கரோனா கட்டுப்பாட்டு குழு உறுப்பினரும், எய்ம்ஸ் இயக்குநருமான டாக்டர் ரன்தீப்குலேரியா கூறும்போது,

கரோனா தடுப்பூசி போட்டுக் கொள்வது தான் இப்போது ஒரே வழி. இந்த ஊசி போட்டாலும் கூட வைரஸ் தொற்று உடலில் இருக்கும். ஆனால் அதன் தாக்கம் மோசமான பாதிப்பை ஏற்படுத் தாது. ஊசி போடவில்லை என்றால் அவர்கள் அபாயகட்டத்திற்கு செல் லும் நிலை ஏற்பட்டுவிடும். பலருக்கு எந்த அறிகுறியும் இல்லாமல் நோய் தாக்குகிறது. எனவே கவனமாக இருக்க வேண்டும் என்று கூறினார்.

Comments
Popular posts
நெடுஞ்சாலை இணைய தளத்தில் சென்னை - அண்ணாசாலை - காமராஜர் சாலை பெயர்களும் மாற்றப்பட்ட கொடுமை! நமது வன்மையான கண்டனம்!
Image
‘இந்து மதம்' என்ற ஆரிய - சனாதன மதத்தின் ஆணிவேரான வருணதர்மத்தை வேரோடும் வேரடி மண்ணோடும் பெயர்த்து எறிவதே புரட்சியாளர் அம்பேத்கருக்கு புகழ்மாலை சூட்டிப் பெருமை சேர்ப்பதாகும்!
Image
சாரைசாரையாக புறப்படும் தொழிலாளர்கள் பல்வேறு தொழில்கள் முடங்கும் அபாயம்
Image
மகாராட்டிராவைத் தொடர்ந்து தமிழ்நாட்டிலும் ஊரடங்கா? - சுகாதாரத் துறைச் செயலாளர் பதில்
Image
பெரியார் ஈ.வெ.ரா. நெடுஞ்சாலையின் பெயரை மாற்றுவதா? அரசியல் கட்சித் தலைவர்கள் கடும் கண்டனம்
Image