இன்னும் அதிர்ச்சி உண்டு!
* 7ஆம் வகுப்புப்
பையனுக்கு இந்தியாவின் பிரதமர் யார் என்று தெரியவில்லை. காரைக்குடி பா.ஜ.க. வேட்பாளர் அதிர்ச்சி!
>> இதில் என்ன ஆச்சரியம் - நமது பிதரமர் கார்ப்ப ரேட்டுகளுக்குத்தானே பிரதமர்!
ஆம் - இதுதான் இனவுணர்வு
* அரசுத் துறைகளில் காலியாக உள்ள மூன்றரை லட்சம் பணியிடங்களில் தமிழர்கள் நியமிக்கப்படுவர்.
- தளபதி மு.க. ஸ்டாலின்
>> இதற்குப் பெயர்தான் தமிழ் உணர்வு - இனவுணர்வு.
இதுவா தீர்வு?
* ஆளும் கட்சிக்குச் சாதகமாக செயல்பட்ட கோவை மாவட்ட ஆட்சியர், காவல் ஆணையர் இடமாற்றம்.
>> சென்ற இடத்திலும் அப்படி இருக்க மாட்டார்கள் என்று சொல்ல முடியுமா?
அதிமுக கட்சிக்குத் தலைவர் மோடியா?
* கட்சியையும், ஆட்சியையும் நல்ல முறையில் நடத்த பா.ஜ.க. உறுதுணையாக இருக்கிறது.
- முதல் அமைச்சர் எடப்பாடி பழனிச்சாமி
>> கட்சியை நடத்தக் கூடவா? எல்லாம் மேலே இருப்பவன் பாத்துப்பான் என்கிற சினிமா டயலாக் தான் நினைவிற்கு வருகிறது.
ஆட்சியையே கார்ப்பரேட்டுகளுக்கு ஒப்படைத்து விடலாமே!
* காப்பீட்டுத் துறையில் 74% அந்நிய நேரடி முதலீடு.
>> ஆள்வதற்கு அய்ந்தாண்டுக் காலம் கார்ப் பரேட்டுகளுக்கு அப்படியே நேரடி முதலீடாக அளித்து விடலாமே!
தேர்தல் படுத்தும் பாடு!
* 24 நாட்களுக்குப் பிறகு பெட்ரோல், டீசல் விலை குறைப்பு
>> தேர்தல் முடியட்டும் - தெரியும் சேதி!
இரட்டை நிலை
* திருவாரூர், மயிலாப்பூர்களில் தேரோட்டம்.
>> கரோனா
புது உருவில் வேகமாகப் பரவுகிறது அரசு எச்சரிக்கை!
சிறுபிள்ளை விளையாட்டு
* வேட்பாளர்கள் ஆங்காங்கே சிலம்பாட்டம் கிரிக்கெட் எல்லாம் விளையாடுகிறார்கள்.
>> அரசியலில் 'எட்டு வீடு கட்டி' ஆடுகிறார்களோ!
பாச முத்தம்
* இலங்கைக் கடற்படையினரால் ஒரே நாளில் தமிழ்நாடு மீனவர்கள் 54 பேர் கைது!
>> இலங்கை அரசுக்கு எதிரான ஜெனிவா தீர்மானத்திற்கு இந்திய அரசு நீட்டிய பாசக் கயிறுக்கான பரிசு இது.
அரசியல் பட்டிமன்றம்
* சசிகலாவை அதிமுகவில் சேர்ப்பதுபற்றி ஆலோசிப்போம்! - ஓ.பிஎஸ்.
சேர்க்க வாய்ப்பே இல்லை.
- அமைச்சர் ஜெயக்குமார்
>> சபாஷ் சரியான பட்டிமன்றம்
சபாஷ் சரியான அறிவுரை
* கருத்துக் கணிப்புகளால் அலட்சியமாக இருக்க வேண்டாம்.
- தி.மு.க.வினருக்கு மு.க.ஸ்டாலின் அறிவிப்பு
>> அலட்சியம் அடி சறுக்கச் செய்யுமே!
ஆசையா? ஆத்திரமா?
* தி.மு.க. எதிர்க்கட்சியாகக் கூட வரக்கூடாது.
- முதல் அமைச்சர் எடப்பாடி பழனிசாமி
>> ஆமாம் - ஆளும் கட்சியாக
வர வேண்டும்.
'சீச்சீ.. இந்தப் பழம் புளிக்கும்!'
* தி.மு.க. தமிழ்நாட்டின் எதிர்க்கட்சி அல்ல - எதிரி கட்சி
- ஜி.கே. வாசன், த.மா.கா. தலைவர்
>> அப்படி என்றால் இவரது என்ன ஆளும் கட்சியா?
இதுதான் மனுநீதி
* புதுச்சேரியில் அரசுப் பள்ளி மாணவர்களுக்கு மருத்துவக் கல்லூரியில் 10 சதவிகிதம் இட ஒதுக்கீடு வழங்குவது சட்ட விரோதம்.
- சென்னை உயர்நீதிமன்றத்தில் மத்திய அரசு வழக்குரைஞர் விவாதம்
>> ஆமாம் - உயர் ஜாதி ஏழைகளுக்கு 10 சதவீதம் கொடுப்பதுதான் 'அக்மார்க்' சட்டம்.
கரோனா காலமாக இல்லாவிடின் வெளிநாடு சென்று இருப்பாரோ...
* மார்ச்சு 8ஆம் தேதி தொடங்கி ஏப்ரல் 8 வரை நடக்கும் என்று கூறப்பட்ட நாடாளுமன்றம் நேற்றோடு முடித்துக் கொள்ளப்பட்டது.
>> இதில் எத்தனை நாள் பிரதமர் மோடி கலந்து கொண்டார் -
எத்தனை விவாதங்களில் பதில் அளித்தார் என்பது யாருக்காவது தெரியுமா?
No comments:
Post a Comment