ஆசிரியரின் கல்வி உரிமைப் பயணம்

கல்வி உரிமைப் பயணம் வெல்க!

அவர் ஒப்பனைப் பூச்சு கவரிங் இளைஞர் அல்லர்

தியாக நெருப்பில் புடம்போட்ட தங்கம்:

பதவிக்காகவும் பணத்திற்காகவும் அலைபவர்களும்

ஊழலில் சிக்கிக்கொண்டு வழக்குமன்றில் அலைபவர்களும்

நாணத்தோடு தலைகுனியுங்கள்:

நம்நாட்டின் இளைஞர் தலைமுறை தடையேதுமின்றி

மருத்துவக் கல்வி பெறவும்

உயர்கல்வி வாய்ப்பினை அடையவும்

மிகநீண்ட பரப்புரைப் பயணம் மேற்கொண்டுள்ளார்;

குமரியிலிருந்து சென்னை வரை தொடர்ந்து பயணம்;

தனி விமானமா? உலங்கு ஊர்தியா?

சிறப்புக் கவனிப்பு எதுவும் கிடையாது?

மக்களைச் சந்திக்கவும் கலந்துரையாடவுமே பயணம்;

மாற்றின் லூதர் மேற்கொண்டதோ

குடிம உரிமைப் பயணம் (Civil rights march)

தமிழர் தலைவர்- நம் ஆசிரியர்- மேற்கொண்டது

கல்வி உரிமைப் பயணம்(Education rights march)

நம்மை இரண்டாந்தரக் குடிக்கள் ஆக்கிவிட்ட

மூன்றாந்தரக் கல்விமுறையை முற்றாக ஒழிக்க

ஆசிரியர் மேற்கொண்டுள்ளார் சீர்மிகு பரப்புரைப்பயணம்!

அலுப்பும் களைப்பும் அவர்முன்னே தோற்று ஓடிவிட்டன;

அயர்வு என்றால் என்ன என அவர் அறிந்ததே இல்லை;

முதுமை அவர் காலடிபட்டுப் பொடிப்பொடியாய்ப் போனது;

நாமெல்லாம் நாள்காட்டியைத்தான் கிழித்தெறிவோம்;

அவரோ வயதுகளையும் சேர்த்தே கிழித்து வீசி விட்டார்;

நீட்டு என்னும் தீட்டு ஒழிந்தாக வேண்டும்

ஓட்டைக் குடிசையில் ஒண்டியிருப்போரும்

மருத்துவக் கல்வியைப் பெற்று உயர்வுற

சமூகநீதியின் நலன்களைப் பெற்றிட

தன்னை வருத்திப் பயணம் வருகிறார்;

‘தவம் ‘   ‘ வேள்வி ‘ எனும் சொல்லெல்லாம்

இவரது பெருமுயற்சி முன்னாலே

தடுமாறித் தத்தளித்துப் பொருளிழந்து போயினவே!

ஆசிரியர் பரப்புரை மக்கள் அனைவர்க்கும்

அறிவும் விழிப்புணர்வும் வழங்கும் பயனுரை!

வெல்க வெல்க நம் ஆசிரியர் மேற்கொண்டுள்ள

கல்வி உரிமைப் பயணம் வையம் புகழவே!

                                    - மறைமலை இலக்குவனார்