சென்னையில் 100 மீட்டர் கடலோரப் பகுதி நீரில் மூழ்கும் அபாயம் - காலநிலை அறிக்கையில் தகவல்

சென்னையில் 100 மீட்டர் கடலோரப் பகுதி நீரில்  மூழ்கும் என்று காலநிலை அறிக்கையில் குறிப்பிடப்பட்டுள்ளது.

சென்னை மாநகராட்சி சமீபத்தில் வெளியிட்ட காலநிலை மாற்ற நடவடிக்கைத் திட்டம், இது மாசு உமிழ்வு, தொழில் மயமாக்கல் மற்றும் நகரமயமாக்கல் காரணமாக வரும் ஆண்டு களில் சில தீவிர சுற்றுச்சூழல் மாற்றங்கள் ஏற்படக்கூடும் என்பதை வெளிப்படுத்தி உள்ளது.

காலநிலை செயல் திட்டம்: அடுத்த அய்ந்தாண்டுகளில் 

7 சென்டிமீட்டர் கடல் மட்டம் உயரும் என எதிர்பார்க்கப்படு வதால், சென்னையின் 100 மீட்டர் கடலோரப் பகுதி நீரில் மூழ்கும் அபாயம் உள்ளதாக சென்னை மாநகராட்சியின் வரைவு நகர காலநிலை செயல் திட்டம் கூறுகிறது. 

அதிக மழைப்பொழிவு காரணமாக ஏற்படும் வெள்ள அபாயங்களின்படி, கிரேட்டர் சென்னை கார்ப்பரேஷன் (STP) பகுதியின் 29.1% அய்ந்தாண்டுகளில் வெள்ளத்தில் மூழ்கும் அபாயத்தில் உள்ளது, 56.5% 100 ஆண்டுகளுக்குள் ஆபத்தில் இருக்கும்.

அடுத்த 5 ஆண்டுகளில், 41.1% குடிசைப்பகுதிகள் வெள்ளத் தில் மூழ்கும் அபாயத்தில் உள்ளது. ஏனெனில் மக்கள் தொகை அடர்த்தி நகரத்தின் மற்ற பகுதிகளை விட இரண்டு மடங்கு அதிகமாக உள்ளது.  இதேபோல் 100 ஆண்டுகளில், 68% சேரிகள் வெள்ளத்தில் மூழ்கும் அபாயத்தில் உள்ளன. விஜிசி பேருந்து நிறுத்தங்கள், சென்னை மெட்ரோ ரயில் நிலையங்கள் மற்றும் புறநகர் ரயில் நிலையங்கள், ஸ்மார்ட் பைக் நிலை யங்கள், ஷிஜிறி மற்றும் பவர் சார்ஜிங் உள்கட்டமைப்பு போன்ற குறைந்தது 20% நகரக் கட்டமைப்புகள் அடுத்த அய்ந்து ஆண்டுகளில் பாதிக்கப்படும்.

இது குறித்து சமூக ஆர்வலர்கள் கூறும் போது அவற்றில் 45% 100 ஆண்டுகளில் பாதிக்கப்படும். ‘வட சென்னை அனல் மின் நிலையங்களும் பாதிக்கப்படப் போகின்றன’ என்று தெரிவிக்கப்பட்டுள்ளது. 2100 ஆம் ஆண்டில் 67 சதுர கிமீ பரப்பளவில் உள்ள நிசிசி பகுதியில் 16% நிரந்தரமாக நீருக் கடியில் இருக்கும் என்றும் கூறப்பட்டுள்ளது. சமூக ஆர்வலர் கள் மற்றும் வல்லுநர்கள் அறிக்கையின் முன்கணிப்பை வர வேற்றுள்ளனர். மேலும் புவி வெப்பமடைவதைக் குறைக்க அனைவரும் கைகோத்து செயல்படுவதற்கு இது ஒரு விழிப் புணர்வாக இருக்கும் என்று கருதுகிறார்கள். இதுகுறித்து பேசிய நகர்ப்புற மேம்பாட்டு அமைச்சகத்தின் மேனாள் செயலாளர் டாக்டர் சுதிர் கிருஷ்ணா, ‘இந்த அறிக்கை சென்னைக்கு மட்டுமல்ல, நாட்டின் அனைத்து கடலோர நகரங்களாலும் கவனிக்கப்பட வேண்டும். புவி வெப்பமடைதல் என்பது ஒரு உலகளாவிய நிகழ்வாகும், மேலும் இது பன்னாட்டு அளவில் காலநிலை மாற்றத்திற்கான அரசுகளுக்கிடையேயான குழு வால் (IPCC) ஆய்வு செய்யப்படுகிறது

அதிகரிக்கும் கடல்மட்டம்

அவர்கள் 2019 இல் ஒரு அறிக்கையை அளித்தனர். அதில் கடல் மட்டம் .6 முதல் 1 மீட்டர் வரை உயரும் என்று கணிக் கப்பட்டது.  இதன் காரணமாக சில நகரங்கள் அதிகம் பாதிக்கப்படும். மேலும் சென்னை அதிக அபாயப் பகுதியில் உள்ளது. சென்னையின் கடற்கரையோர வளர்ச்சிப் பணிகளை கவனமாகக் கவனித்து ஒழுங்குபடுத்த வேண்டும். உயரமான கட்டடங்கள் மற்றும் முக்கிய கட்டுமான நடவடிக்கைகள் மற்றும் அகழ்வாராய்ச்சியை கடற்கரைக்கு அருகில் முற்றிலும் நிறுத்த வேண்டும்’ என்று கூறினார்.

உலக நாடுகள் மாறிவரும் காலநிலை மாற்றத்துக்கு ஏற்ப பல்வேறு திட்டங்களை செயல்படுத்தி வருகின்றன. அனைத்து பெரு நகரங்களும் காலநிலை மாற்ற செயல் திட்ட அறிக் கையின் அடிப்படையில் செயல்பட்டு வருகிறது. அந்த வகையில் சென்னைக்கான காலநிலை மாற்ற செயல் திட்ட அறிக்கையில் கூறப்பட்டுள்ளதை, பின்னர் வரும் காலங்களில் வராமல் தடுக்க அரசு முன்னெச்சரிக்கை நடவடிக்கைகளை எடுக்க வேண்டும் என்பதே அனைவரது கோரிக்கையாக இருக்கிறது.