புவனேஷ்வர், செப்.28 உள்நாட்டிலேயே உருவாக்கப்பட்ட "மிகக் குறுகிய தூர வான் பாதுகாப்பு அமைப்பு" ஏவுகணை வெற்றிகரமாக சோதனை செய்யப்பட்டது வி-சோராட்ஸ் ஏவுகணை உள்நாட் டிலேயே வடிவமைக்கப்பட்டு உருவாக்கப் பட்ட சிறிய வான் பாதுகாப்பு அமைப்பு ஆகும்.
பாதுகாப்பு ஆராய்ச்சி மற்றும் மேம்பாட்டு அமைப்பு நேற்று ஒடிசா கடற்கரையில் உள்ள ஒருங்கிணைந்த சோதனைத் தளமான சந்திப்பூரில், தரை அடிப்படையிலான சிறிய ஏவுதள வாகனத்தில் இருந்து மிகக் குறுகிய தூர வான் பாதுகாப்பு அமைப்பு(வி-சோராட்ஸ்) ஏவுகணையின் இரண்டு சோதனை விமானங்களை வெற்றிகரமாக நடத்தியது. பாதுகாப்பு ஆராய்ச்சி மற்றும் மேம்பாட்டு அமைப்பு கூற்றுப்படி, வி-சோராட்ஸ் ஏவுகணை என்பது உள்நாட்டிலேயே வடிவமைக்கப்பட்டு உருவாக்கப்பட்ட சிறிய வான் பாதுகாப்பு அமைப்பு ஆகும்.
வி-சோராட்ஸ் ஏவு கணையில் பல புதிய தொழில்நுட்பங்கள் இணைக்கப்பட்டுள்ளன. ஒரு சிறிய கட்டுப்பாட்டு அமைப்பு மற்றும் ஒருங் கிணைக்கப்பட்ட ஏவியோனிக்ஸ் உட்பட, இது வெற்றிகரமாக சோதிக்கப்பட்டது. அதில் இரட்டை உந்துதல் திட மோட் டார் இந்த ஏவுகணையை செலுத்துகிறது. இது குறைந்த தூரத்தில் குறைந்த உயரத்தில் அச்சுறுத்தல்களை எதிர் கொள்ள வடிவமைக்கப்பட்டுள்ளது. ஏவுகணையின் வடிவமைப்பு, பெயர்வுத் திறனுக்காக மிகவும் உகந்ததாக உள்ளது.
No comments:
Post a Comment