மாணவர்களின் திறனை மேம்படுத்தும் முப்பரிமாண அச்சு குறித்த பயிலரங்கம்

சென்னை, ஜூலை 6 முப்பரிமாண அச்சிடலைச் செயல்படுத்தும் தொழில்நுட்பங்கள் அதிக கற்றல் மற்றும் திறன் மேம்பாட்டை ஊக்குவிப்பதுடன், மாணவர்கள் மற்றும் ஆசிரியர்கள் இருதரப்பிலும் பாடத்தில் ஈடுபாட்டை அதிகரிக்கின்றன. கூடுதலாக, முப்பரிமாண அச்சிடலின் பயன்பாடு அதிகரித்த படைப்பாற்றல் மற்றும் சிக்கல் தீர்க்கும் செயல்பாட்டில் குழுப்பணியை ஊக்குவிக்கிறது.

இன்ஸ்டிடியூட் ஆப் இன்னோவேஷன் செல் மற்றும் அய்டியல் 3டி இணைந்து "சிமாட்ஸ் ஸ்கூல் ஆஃப் இன்ஜினியரிங்கின் ரோபோடிக்ஸ்" துறையால் ஏற்பாடு செய்யப்பட்ட இந்த பயிலரங்கு, இன்றைய சூழலில் முப்பரிமாண அச்சிடுதலின் பின்னணியில் உள்ள தொழில்நுட்பத்தின் முக்கியத்துவத்தை அங்கீகரிப்பதாக அமைந்தது. 

அய்டியல் 3டி-யின் தொழில்நுட்பத் தலைவர் ராஜா, ஒரு விர்ச்சுவல் முப்பரிமாண கணினி உதவி வடிவமைப்பு மாதிரியிலிருந்து ஒரு இயற்பியல் பொருளை அடுத்தடுத்த அடுக்குகளில் வைப்பதன் மூலம் உருவாக்கும் ஒரு சேர்க்கை உற்பத்தி நுட்பத்தைப் பற்றிய விளக்கக் காட்சியை வழங்கினார். 

சிமாட்ஸ் பல்கலைக்கழகத்தின் நிறுவனர் டாக்டர். என்.எம். வீரய்யன் புதுமை மற்றும் நவீன மயமாக்கல் கலந்த இத்தகைய முயற்சிகளுக்கு பெரிதும் ஆதரவளித்து வருகிறார் என தெரிவிக்கப்பட்டுள்ளது.