‘நீட்' விலக்கு சட்ட முன் வடிவுக்கு குடியரசுத் தலைவரின் ஒப்புதலைப் பெற்றுத் தரவேண்டும் ஒன்றிய சுகாதார அமைச்சரிடம் மக்கள் நல்வாழ்வுத் துறை அமைச்சர் மா.சு. கோரிக்கை

சென்னை, ஜூன் 27-  தமிழ்நாட்டில் சுகாதார உட்கட்டமைப்புக்கு ரூ.404 கோடி நிதியை ஒதுக்கி யுள்ளதாக ஒன்றிய நல்வாழ்வுத் துறை அமைச்சர் மன்சுக் மாண் டவியா கூறினார்.

சென்னை அண்ணா சாலையில் உள்ள அரசு பன்னோக்கு உயர் சிறப்பு மருத்துவமனையில் நேற்று (26.6.2022) நடைபெற்ற நிகழ்ச்சி யில் பங்கேற்ற ஒன்றிய அமைச்சர், ஆவடியில் அமைக்கப்பட உள்ள ஒன்றிய அரசு ஊழியர்களுக்கான சுகாதார மய்யத்துக்கு காணொலி வாயிலாக அடிக்கல் நாட்டினார். தொடர்ந்து, அவர் பேசியதாவது: பேறுகால இறப்பு விகிதம், சிசு இறப்பு விகிதத்தை கட்டுப்படுத்து வதில், பிற மாநிலங்களுக்கு முன்பே இலக்கை அடைந்தமைக்காக தமிழ் நாட்டிற்குவாழ்த்து தெரிவித்துக் கொள்கிறேன்.

பிரதமரின் ஆயுஷ்மான் பாரத் திட்டத்தின் கீழ் தமிழகத்தில் 75 லட்சம் பேர் பயனடைந்துள்ளனர். தமிழ்நாட்டில் 11.26 கோடி கரோனா தடுப்பூசிகள் போடப் பட்டுள்ளது பாராட்டுக்குரிய சாதனை.

நுண்கிருமியால் பாதிக்கப்பட் டவருக்கு வறுமை, அதனால் ஏற் படும் ஊட்டச்சத்து குறைபாட் டால் காசநோய் ஏற்படவும், நோயின் தீவிரம்அதிகரிக்கவும் வாய்ப்புள்ளது. தமிழ்நாட்டில் சுமார் 50 ஆயிரம்பேர் காச நோயால் பாதிக்கப்பட்டுள்ளனர். எனினும், 17 மாவட்டங்களில் மலே ரியா பாதிப்பு இல்லை என்பது மகிழ்ச்சிக்குரியு தகவல்.

மலேரியா, டெங்கு, சிக்குன்குனி யாவை ஒழிக்கும் நடவடிக்கைகளில் தீவிரமாக ஈடுபடுமாறு சுகாதாரத் துறை அதிகாரிகளுக்கு அறிவுறுத்தி யுள்ளேன்.

2030-க்குள் மலேரியாவை முற்றி லும் ஒழிக்க உறுதிபூண்டுள்ளோம். ‘ஒரே தேசம் ஒரே டயாலிசிஸ்’ திட்டத்தை பிரதமர் விரைவில் தொடங்கிவைப்பார். அதன்மூலம், டயாலிசிஸ் தேவைப்படும் நோயாளி, நாட்டின் எந்த பகுதியிலிருந்தும் அவ்வசதியைப் பெறலாம்.

ஆயுஷ்மான் பாரத் திட்டத்தின் கீழ் வரும் டிசம்பருக்குள் 9,135 சுகா தாரம், ஆரோக்கிய மய்யங்கள் அமைக்க இலக்கு நிர்ணயிக்கப்பட் டுள்ளது. மாநிலத்தில் ஏற்கெனவே உள்ள 7,052 மய்யங்களில் உயர் ரத்த அழுத்தம், சர்க்கரை நோய், பொதுவான புற்றுநோய் உள்ளிட் டவற்றுக்காக இதுவரை 5.42 கோடி பரிசோதனைகள் செய்யப்பட்டு உள்ளன.

தேசிய நல்வாழ்வுத் இயக்கத்தின் கீழ் நல்வாழ்வுக்காக தமிழ்நாட் டுக்கு ரூ. 2,600 கோடி, பிரதமரின் ஆயுஷ்மான் பாரத் சுகாதார உட்கட்டமைப்பு இயக்கத்தின் கீழ் ரூ. 404 கோடி நிதியை ஒன்றிய அரசு ஒதுக்கியுள்ளது. இவ்வாறு ஒன்றிய அமைச்சர் பேசினார்.

முன்னதாக, அரசு பன்னோக்கு உயர் சிறப்பு மருத்துவமனையில், ரோபோடிக் தானியங்கி அறுவைசிகிச்சை மய்யத்தை ஒன்றிய நல் வாழ்வுத் துறை அமைச்சர் மன்சுக் மாண்டவியா பார்வையிட்டார். தொடர்ந்து, இந்திய மகளிர் கால்பந்து வீராங்கனை மாரியம் மாள், குத்துச்சண்டை வீரர் பாலாஜி, பன்முக எலும்பு முறிவு மற்றும் கால் எலும்பு முறிவால் பாதிக்கப்பட்ட சிந்து ஆகியோ ருக்கு அளிக்கப்பட்ட அறுவைசிகிச்சை குறித்து கேட்டறிந்த ஒன் றிய அமைச்சர், சிகிச்சை அளித்த மருத்துவர்களைப் பாராட்டினார்.

தமிழ்நாடு மக்கள் நல்வாழ்வுத் துறை அமைச்சர் மா.சுப்பிரமணியன், செயலர் ப.செந்தில்குமார், உணவு பாதுகாப்புத் துறை ஆணையர் லால்வீனா, மருத்துவ சேவைக் கழக இயக்குநர் தீபக்ஜேக்கப், இந் திய மருத்துவம் மற்றும் ஓமியோபதி துறை இயக்குநர் கணேஷ், தமிழ் நாடு சுகாதார அமைப்பு திட்ட இயக்குநர் உமா மற்றும் அதிகாரி கள் உடனிருந்தனர்.

அப்போது, ஒன்றிய அமைச்சரி டம், தமிழ்நாடு மக்கள் நல்வாழ்வுத் துறை தொடர்பான கோரிக்கை மனுவை அமைச்சர் மா.சுப்பிரமணியன் வழங்கினார். அந்த கோரிக்கை மனுவில் கூறியிருப்பதாவது:

தமிழ்நாடு சட்டப்பேரவையில் நிறைவேற்றப்பட்டு, ஆளுநர் ஒப்புதலுடன் ஒன்றிய அரசுக்கு அனுப்பப்பட்டுள்ள நீட் விலக்கு சட்டமுன்வடிவுக்கு குடியரசுத் தலைவரின் ஒப்புதலைப் பெற்றுத் தர வேண்டும்.

மதுரையில் பிரதமரால் 2019 இல் அடிக்கல் நாட்டப்பட்ட எய்ம்ஸ் மருத்துவமனையை விரைந்து கட்ட வேண்டும். 2022 பிப்ரவரி மாதத்திலிருந்து மதுரை எய்ம்ஸ்-இல் 50 மாணவர்கள் சேர்க்கைக்கு, ராமநாதபுரம் அரசு மருத்துவக் கல்லூரியில் தற்காலிக இடம் அளித்து, தமிழ்நாடு அரசு அனுமதி கொடுத்துள்ளது.

கோவையில் புதிதாக எய்ம்ஸ் மருத்துவமனை தொடங்க வேண் டும். மாநில ஒதுக்கீட்டு இடங்க ளுக்கான தற்போதைய கலந்தாய்வு முறையை மாற்றுவதை நோக்க மாகக் கொண்ட முயற்சிகளை உடனடியாக நிறுத்தவேண்டும். தமிழ்நாட்டில் 6 மாவட்டங்களில் புதிய மருத்துவக் கல்லூரிகளைத் தொடங்க வேண்டும்.

உக்ரைனில் படித்த மாணவர் கள், இந்தியாவில் உள்ள மருத்துவக் கல்லூரிகளில் படிப்பைத் தொடர வழிவகை செய்ய வேண்டும். வெளிநாட்டில் மருத்துவக் கல்வி படித்த மாணவர்களின் பயிற்சி எண்ணிக்கையை 7.50 சதவீதத்தில் இருந்து 20 சதவீதமாக உயர்த்த வேண்டும்.

தமிழ்நாட்டில் 50 துணை சுகாதார நிலையங்களை, ஆரம்ப நல்வாழ்வு நிலையங்களாகவும், 25 ஆரம்ப சுகாதார நிலையங்களை 30 படுக்கைகள் கொண்ட மேம் படுத்தப்பட்ட ஆரம்ப சுகாதார நிலையங்களாக தரம் உயர்த்த வேண்டும். இவ்வாறு மனுவில் வலியுறுத்தப்பட்டுள்ளது.

இதையடுத்து, ஒன்றிய அமைச்சர் அண்ணா நகரில் உள்ள மருத்துவ சேவைக் கழக மருந்துக் கிடங்கை ஆய்வு செய்தார். முன் னதாக, தேசிய சுகாதார இயக்கம் சேப்பாக்கத்தில் ஏற்பாடு செய்தி ருந்த `ஆரோக்கிய இந்தியா-உடல் நல இந்தியா' என்ற விழிப்புணர்வு சைக்கிள் பேரணியைத் தொடங்கி வைத்த ஒன்றிய அமைச்சர், அவ ரும் சைக்கிள் ஓட்டிப் பங்கேற்றார். சேப்பாக்கம் விருந்தினர் மாளிகை யில் தொடங்கிய பேரணி, கடற் கரைச் சாலை, சுவாமி சிவானந்தா சாலை, மன்றோ சிலை வழியாக மீண்டும் விருந்தினர் மாளிகையை அடைந்தது.