உலகளவில் கரோனா பாதிப்பும், மரணமும் தொடர்ந்து சரிவு

ஜெனீவா, அக்.2 உலகளவில் கரோனா பாதிப்பும், மரணமும் தொடர்ந்து சரிந்து வருகிறது என உலக சுகாதார அமைப்பு தெரிவித்துள்ளது.

 உலக சுகாதார அமைப்பின் கரோனா தொற்றுநோய் வாராந்திர நிலவர அறிக்கையில்  இடம் பெற்றுள்ள முக்கிய தகவல்கள் வருமாறு:-

* செப்டம்பர் 20-26 வாரத்தில் உலகமெங்கும் புதிதாக 33 லட்சம் பேர் கரோனா தொற்றுக்கு ஆளாகி உள்ளனர். 55 ஆயிரம் பேர் இந்த தொற்றால் இறந் துள்ளனர். இந்த பாதிப்பும், இறப்பும் முந்தைய வாரத் துடன் ஒப்பிடுகையில் 10 சதவீதம் வீழ்ச்சி அடைந் துள்ளது.

* மேலும் உலகளவில் கரோனா பாதிப்பும், இறப்பும் தொடர்ந்து குறைந்து வருகிறது.

* பாதிப்பை பொறுத்தமட்டில் கிழக்கு மத்திய தரைக்கடல் நாடுகளில் அதிகபட்சமாக 17 சதவீதமும், மேற்கு பசிபிக் பிராந்தியத்தில் 15 சதவீதமும், வட-தென் அமெரிக்காவில் 14 சதவீதமும், தென் கிழக்கு ஆசியாவில் 10 சதவீதமும் குறைந்துள்ளது. அய்ரோப் பாவை பொறுத்தவரையில் முந்தைய வார நிலை தொடர்கிறது.

* இறப்பை பொறுத்தமட்டில் அய்ரோப்பா மற்றும் ஆப்பிரிக்காவை தவிர்த்து பிற பகுதிகளில் 15 சதவீதம் சரிவு காணப்பட்டுள்ளது. அதிகபட்ச சரிவு என்றால் அது மேற்கு பசிபிக் பிராந்தியத்தில்தான். அங்கு முந்தைய வாரத்துடன் ஒப்பிடுகையில் 24 சதவீதம் வீழ்ச்சி காணப்பட்டுள்ளது.

* உலகளவில் இதுவரை 23 கோடியே 10 லட்சம் பேருக்கு தொற்று ஏற்பட்டுள்ளது. அதனால் 47 லட்சத்துக்கும் அதிகமானோர் இறந்துள்ளனர்.

* உருமாறிய வைரஸ்களில் ஆல்பா 193 நாடு களிலும், பீட்டா 142 நாடுகளிலும், காமா 96 நாடு களிலும், டெல்டா 187 நாடுகளிலும் பரவி இருக்கிறது.

* புதிய பாதிப்புகளில் அமெரிக்காவில் 7 லட்சத்து 65 ஆயிரத்து 827 பேருக்கு தொற்று உறுதியாகி உள்ளது. இது முந்தைய வாரத்துடன் ஒப்பிடுகையில் 31 சதவீதம் சரிவு.

* தென்கிழக்கு ஆசிய பிராந்தியத்தில் பாதிப்பு களும், இறப்புகளும் 2 மாதங்களாக குறைந்து வருகின்றன. கடந்த வாரம் இங்கு 3 லட்சத்து 44 ஆயிரம் பேருக்கு தொற்று ஏற்பட்டது. 5,200 பேர் இறந்திருக்கிறார்கள். பாதிப்பில் 10 சதவீதமும், இறப்பில் 20 சதவீதமும் சரிந்துள்ளது.

இவ்வாறு அந்த அறிக்கையில் கூறப்பட்டுள்ளது.