Viduthalai

செய்திகள் ஆசிரியர் அறிக்கை ஆசிரியர் விடையளிக்கிறார் ஊசி மிளகாய் ஒற்றைப் பத்தி கழகம் சிறப்புக் கட்டுரை தமிழ்நாடு தலையங்கம் மின்சாரம் வாழ்வியல் சிந்தனைகள்
டாஸ்மேனிய புலியின் எச்சங்கள் கண்டுபிடிப்பு: 85 ஆண்டுகால முடிச்சு விலகியது
December 15, 2022 • Viduthalai

உலகில் கடைசியாக வாழ்ந்ததாக அறியப்பட்ட டாஸ்மேனியன் புலியின் எச்சங்கள், 85 ஆண்டுகளா கக் காணாமல் போனதாகக் கருதப்பட்டது. அதன் எச்சங்கள் ஆஸ்திரேலிய அருங்காட்சியகத்தின் அலமாரியிலேயே வைக்கப்பட்டிருப்பது தெரிய வந்துள்ளது.

தைலசைன்  (Thylacine)  என்று டாஸ்மேனிய புலி அறியப்படுகிறது. தற்போது எச்சமாகக் கண்டுபிடிக் கப்பட்ட புலி 1936ஆம் ஆண்டில் ஹோபார்ட் காப்பிடத்தில் உயிரிழந்தது. அதன் உடல் உள்ளூர் அருங்காட்சியகத்திற்கு வழங்கப்பட்டது. ஆனால், அதன் எலும்புகளும் தோலும் என்ன ஆனது என்ற கேள்வி தொடர்ந்து கமுக்கமாகவே நீடித்து வந்தது.

டாஸ்மேனிய அருங்காட்சியகம் மற்றும் கலைக் கூடம், அந்த எச்சங்களை இழந்தன. அதுமட்டுமின்றி, அவை தூக்கி எறியப்பட்டதாக நம்பப்பட்டது.

ஆனால் சமீபத்திய ஆய்வு மூலம், அவையனைத் தும் அருங்காட்சியகத்திலேயே இருந்ததும் சரியாக ஆவணப்படுத்தப்படாமல் போனதால் இருந்ததே தெரியவில்லை என்றும் கண்டறியப்பட்டுள்ளது.

“பல அருங்காட்சியக கண்காணிப்பாளர்களும் ஆராய்ச்சியாளர்களும் பல ஆண்டுகளாக அதன் எச்சங்களைத் தேடினர். ஆனால், அவர்களுக்கு அதில் வெற்றி கிட்டவில்லை. ஏனெனில், 1936ஆம் ஆண்டிலிருந்து தைலசின் தொடர்பான எந்தப் பொருட்களும் ஆவணங்களில் பதிவு செய்யப்படவே இல்லை. அதன் உடல் அப்புறப் படுத்தப்பட்டதாகக் கருதப்பட்டது” என்று 2000ஆம் ஆண்டில் உயிரினங்களின் அழிவு குறித்து ஒரு நூலை வெளியிட்ட ராபர்ட் பேடில் கூறினார்.

ஆனால், அவரும் அருங்காட்சியகத்தின் கண் காணிப்பாளர்களில் ஒருவரும் வெளியிடப்படாத டாக்சிடெர்மிஸ்டின் (இறந்த உயிரினங்களின் தோலை பதப்படுத்தி, அதில் மற்ற பொருட்களை நிரப்பி உயிரோடு இருப்பதைப் போல் செய் பவர்) அறிக்கையைக் கண்டறிந்தனர். இது அருங் காட்சியகத்தில் வைக்கப் பட்டிருந்த பொருட்களை மதிப்பாய்வு செய்யத் தூண்டியது.

அருங்காட்சியகத்தின் கல்வித் துறையிலுள்ள அலமாரியில் காணாமல்  போன உயிரிழந்த பெண் டாஸ்மேனிய புலியின் மாதிரியை அவர் கள் கண்டுபிடித்தனர். அதை ஒரு பயணக் கண்காட்சிக்காக ஆஸ்திரேலியா முழுக்க எடுத்துச் செல்லப்பட்டது. ஆனால், அதுதான் கடைசி டாஸ்மேனிய புலி என்பது ஊழியர்களுக்குத் தெரியவில்லை என்று கண்காணிப்பாளர் கேத்ரின் மெட்லாக் ஆஸ்தி ரேலிய ஒளிபரப்பு நிறுவனத்திடம் தெரிவித்தார்.

“சேகரித்து வைக்கப்பட்டிருந்தவற்றில் இது சிறந்த தோல் என்பதால் இது தேர்ந்தெடுக்கப்பட்டது. அந்த நேரத்தில் அவை இன்னும் ஊர்ப்புறப் பகுதிகளில் வாழ்வதாக அவர்கள் நினைத்தார்கள்,” என்று அவர் கூறினார். 

தோலும் எலும்புகளும் இப்போது ஹோபார்ட் டில் உள்ள அருங்காட்சியகத்தில் காட்சிக்கு வைக்கப்பட் டுள்ளன. முன்னர் ஆஸ்திரேலியா முழுவதும் சுற்றித் திரிந்ததாக நம்பப்பட்ட டாஸ்மேனிய புலிகளின் எண்ணிக்கை மனிதர்கள் மற்றும் டிங்கோக்களின் (ஆஸ்திரேலியாவில் வாழக்கூடிய நாய் இனம்) தாக்கத்தால் அருகியது. இறுதியாக, டாஸ்மேனியா தீவில் மட்டுமே காணப்பட்டது. பிறகு அங்கும் வேட்டையாடப்பட்டதால் முற்றிலுமாக அழிந்து போனது.

Comments

பெரியார் வலைக்காட்சி


பெரியார் பண்பலை

Popular posts
''அரசமைப்புச் சட்டமும் - ஆளுநரின் அதிகார எல்லையும்'' தி.மு.க. சட்டக் கருத்தரங்கத்தில் தமிழர் தலைவர் ஆசிரியர் முழக்கம்!
January 21, 2023 • Viduthalai
Image
முதலமைச்சர் மோடியைப் பார்த்து, பிரதமர் வாஜ்பேயி ''ராஜதர்மத்தைக் காப்பாற்றுங்கள்'' என்று சொல்லவேண்டிய அவசியம் என்ன?
January 27, 2023 • Viduthalai
Image
பெரியார் நினைவிடத்தில் ஈ.வெ.கி.ச.இளங்கோவன் மரியாதை - தமிழர் தலைவர் வாழ்த்து
January 23, 2023 • Viduthalai
Image
ஒரத்தநாட்டில் கலைஞர் செய்திகள் தொலைக்காட்சிக்குத் தமிழர் தலைவர் பேட்டி
January 22, 2023 • Viduthalai
ஆசிரியர் விடையளிக்கிறார்
January 21, 2023 • Viduthalai
Image

தேட

Publisher Information
Contact
About
உலகின் ஒரே பகுத்தறிவு தமிழ் நாளேடு.The World's only Tamil Rationalist daily
அரசியல் அரசு அறிவியல் ஆசிரியர் அறிக்கை ஆசிரியர் உரை ஆசிரியர் விடையளிக்கிறார் இந்தியா இளைஞர் அரங்கம் உலகம் ஊசி மிளகாய் ஏட்டுத் திக்குகளிலிருந்து... ஒற்றைப் பத்தி கட்டுரை கரோனா கவிஞர் கலி.பூங்குன்றன் கழகக் களத்தில் கழகம் சட்டமன்றச் செய்திகள் சிறப்புக் கட்டுரை செய்திச் சுருக்கம் செய்தியும் சிந்தனையும்....! ஞாயிறு மலர் தந்தை பெரியார் அறிவுரை தமிழ்நாடு தலையங்கம் நடக்க இருப்பவை நாடாளுமன்ற செய்திகள் பகுத்தறிவுக் களஞ்சியம் பதிலடிப் பக்கம் பிற இதழிலிருந்து... பெரியார் கேட்கும் கேள்வி! மகளிர் அரங்கம் மருத்துவம் மற்றவை மின்சாரம் வணிகச் செய்திகள் வரலாற்றுச் சுவடுகள் வாழ்வியல் சிந்தனைகள்
Share this page
Email
Message
Facebook
Whatsapp
Twitter
LinkedIn