முதலமைச்சராக பதவி ஏற்றார் சித்தராமையா

கருநாடக முதலமைச்சராக சித்தராமையா இன்று (20.5.2023) பதவியேற்றுக் கொண்டார். அவருக்கு கருநாடக ஆளுநர் தவார் சந்த் கெலாட் பதவிப் பிரமாணம் செய்து வைத்தார். சித்தராமையாவை தொடர்ந்து டி.கே.சிவகுமார் துணை முதலமைச்சராகவும், பிரியங்க் கார்கே, பரமேஸ்வரா, கே.எச்.முனியப்பா, கே.ஜே.ஜார்ஜ், பட்டீல், சதீஷ் ஜர்கிஹோலி உள்ளிட்ட 9 பேர் அமைச்சர்களாகவும் பதவியேற்றுக் கொண்டனர். தமிழ்நாடு முதலமைச்சர் மு.க.ஸ்டாலின் உள்பட பல மாநில முதலமைச்சர்கள் மற்றும் கட்சித் தலைவர்கள் பதவியேற்பு விழாவில் கலந்துகொண்டனர்.