புதுடில்லி, அக். 5- ஜேஇஇ தேர்வு முறைகேடு தொடர்பாக ரஷ்யாவில் இருந்து வந்த ஹேக்கரை சிபிஅய் விசாரணக் காக அழைத்து சென்றுள்ளது. ஒன்றிய தொழில்கல்வி நிறுவனங்களில் உள்ள படிப்புகளுக்கான ஜேஇஇ நுழைவுத்தேர்வு ஒன்றிய அரசால் நடத்தப்பட்டு வருகிறது.
கடந்தாண்டு நடந்த இத்தேர்வில் பங்கேற்ற மாணவர் களுக்கு இணையவழியில் தேர்வு நடத்துவதாகவும், முன்னணி தேசிய தொழில்நுட்ப நிறுவனங்களில் சேர்க்கை உறுதி செய்வதாகவும் கூறி பெரும் தொகையை பெற்றுக் கொண்டு, மெகா முறைகேடு செய்ததாக அபி னிட்டி எஜுகேஷன் பிரைவேட் லிமிடெட் என்ற நிறு வனம் மற்றும் பலர் மீது சிபிஅய் வழக்குப்பதிவு செய்தது.
இந்த முறைகேட்டில் ரஷ்ய நாட்டை சேர்ந்த ஒருவர் முக்கிய ஹேக்கராக செயல்பட்டது தெரிந்தது. அவருக்கு எதிராக லுக் அவுட் நோட்டீஸ் அனைத்து விமான நிலை யங்களுக்கும் அனுப்பப்பட்டு இருந்தது. இந்நிலையில், ரஷ்யாவில் இருந்து டில்லி வந்த அவரை சிபிஅய் காவல்துறையினர் தடுத்து நிறுத்தி விசாரணைக்காக அழைத்து சென்றுள்ளனர்.
No comments:
Post a Comment