அரசியல் என்பது ஒரு மலையேறுதல் என்றால், அதிக வியர்வையை இழக்காமல் அதை ஏசும் பலர் இருக்கிறார்கள். ஆனால், வயது தடை இல்லை. தமிழ் நாடு முதலமைச்சர் மு.க.ஸ்டாலின் முதல் கூட்டணிக் கட்சித் தலைவரும் காங்கிரஸ் தலைவருமான ராகுல் காந்தி, ஆர்.ஜே.டி.,யின் தேஜஸ்வி உள்ளிட்ட பலர் இளைஞர்களுக்கு உடல் நலனைப்பேண பெரும் எடுத்துக்காட்டாக உள்ளனர்.
சென்னையில் 21.8.2022 அன்று காலை நடைபெற்ற ஒரு நிகழ்ச்சியில் பங்கேற்று பேசிய தமிழ்நாடு முதலமைச்சர் மு.க.ஸ்டாலின், தானும் தனது மகன் உதயநிதியும் பல ஆண்டுகள் வயது வேறுபாடு உடையவர்கள் என்றாலும், அடிக்கடி சகோதரர்கள் என்று தவறாக நினைத்துக் கொள்ளப்படுகிறோம் என்று கூறினார்.உடற்பயிற்சி ஆர்வலர் என்று அறியப்படும் 69 வயதான முதலமைச்சர் மு.க.ஸ்டாலின், “நான் பெருமை பேசவில்லை. இதுபோன்ற கேள்வி களை மக்கள் என்னிடம் (அவரும் அவருடைய 44 வயது மகனும் உடன்பிறந்தவர்களா என்பது குறித்து) பல சந்தர்ப்பங்களில், குறிப்பாக நான் வெளிநாட்டுப் பயணங்களை மேற்கொள்ளும்போது கேட்கிறார்கள். எனது வேலையின் தன்மையைக் கருத்தில் கொண்டு, நேரம் கிடைக்கும் போதெல்லாம் என் உடலைக் கவனித்துக் கொள்கிறேன்,” என்று கூறினார்.
2016 சட்டமன்றத் தேர்தலுக்கு முன்னதாக, இளைஞர் களைக் கவரும் முயற்சியாக மு.க.ஸ்டாலின் தனது தோற்றத்தை மாற்றிக்கொண்டார். விளையாட்டு உடையுடன் அணிந்து விளையாடி, வண்ணமயமான சட்டைகள் மற்றும் டி-ஷர்ட்டுகளுக்காக தனது வெள் ளைச் சட்டையையும் வேட்டியையும் மாற்றினார். டிரவுசர்ஸ், ஜீன்ஸ், ட்ராக் பேன்ட் கூட அணிந்தார்.
மு.க.ஸ்டாலின் ரஷ்ய அதிபர் புதின் போல் அல்ல, ஆனால் அவரது உடற்பயிற்சி இலக்குகள் மற்றும் உடற்பயிற்சி காட்சிப் பதிவுகள் குறைவான தீவிரம் கொண்டவை இல்லை. உடற்பயிற்சியகத்தில் ஸ்டாலின் இரும்பு பம்ப் செய்யும் மற்றொரு காட்சிப் பதிவு, இந்த முறை ஃப்ளோரசன்ட் ஷார்ட்ஸ் மற்றும் ஸ்லீவ்லெஸ் ஷர்ட் அணிந்து சமூக ஊடகங்களில் பரவியது.
தெற்கே மு.க.ஸ்டாலின், வடக்கே ராகுல், கிழக்கே தேஜஸ்வி மூவருமே இளைஞர்களுக்கு மிகவும் சிறப்பான எடுத்துக்காட்டாக நேரம் கிடைக்கும் போதெல்லாம் இளைஞர்களுக்கு அவர்களின் உடல் நலத்தைப் பேணும் முறையை வெறும் பேச்சோடு நிறுத்திவிடாமல் தாங்களே எடுத்துக்காட்டாக உள்ளனர்.
சமீபத்தில் பிரதமர் மோடி பீகாரின் துணை முதலமைச்சராக இருக்கும் தேஜஸ்வியை ஊளைச்சதை என்று கேலி செய்தார். பிரதமரின் இரக்கமற்ற கேலிக்கு பதிலளிக்கும் விதமாக பொது நிகழ்ச்சியில் கலந்து கொண்ட தேஜஸ்வி, டி-ஷர்ட் மற்றும் ஷார்ட்ஸில், ஜீப்பை தனது கைகளால் இழுத்துக்காண்பித்தார்
டுவிட்டரில் பகிர்ந்துள்ள மற்றொரு காட்சிப் பதிவில், மேனாள் தொழில்முறை மட்டைப் பந்து வீரரான தேஜஸ்வி தனது மட்டை மூலம் சில அற்புதமான திறமை யான ஆட்டம் ஆடியதையும், சில வேகமான பந்து களை வீசுவதையும் காணலாம். “வாழ்க்கை அல்லது விளையாட்டு, ஒருவர் எப்போதும் வெற்றி பெற விளை யாட வேண்டும்,” என்றும் அதில் அவர் பதிவிட்டுள்ளார்.
காங்கிரஸ் எம்.பி., ராகுல் காந்தியும் உடற்பயிற்சியில் சற்றும் சளைத்தவர் அல்ல. தற்காப்பு கலையில் கருப்பு பெல்ட் வாங்கியுள்ள ராகுல், மார்ச் 2021இல், தமிழ்நாட்டின் செயின்ட் ஜோசப் மெட்ரிக்குலேஷன் மேல்நிலைப் பள்ளி மாணவர்களுக்கு ஜப்பானிய தற்காப்புக் கலையை செய்து காண்பித்தார்.
இன்ஸ்டாகிராமில் பகிரப்பட்ட ஒரு காட்சிப்பதிவில், ராகுல், தனது தற்காப்புக் கலை நகர்வுகளை நிரூபித்த பிறகு, ஒரு மாணவர் புஷ்-அப்களைச் செய்யும்படி கேட்கிறார். ராகுல் காந்தி உடனே செய்து காண்பிக் கிறார்.2017 ஆம் ஆண்டில், குத்துச்சண்டை வீரர் விஜேந்தர் சிங்குடன், பிஎச்.டி. சேம்பர் ஆஃப் காமர்ஸ் அண்ட் இன்டஸ்ட்ரியின் கூட்டத்தின் போது, ராகுல் தனது தற்காப்புக் கலை திறன்களைப் பற்றி முதலில் பேசினார். “நான் ஜுடோவில் கருப்பு பெல்ட் வாங் கியவன், அதைப் பற்றி நீங்கள் கேள்விப்பட்டிருக்கிறீர் களா? ஆனால் நான் அதை பற்றி வெளிப்படையாக பேசுவதில்லை. நான் ஒவ்வொரு நாளும் ஒரு மணி நேரம் விளையாட்டுகளில் ஈடுபட முயற்சிக்கிறேன், இருப்பினும் கடந்த மூன்று-நான்கு மாதங்களில் நான் அதிகம் செய்யவில்லை என்பதை ஒப்புக்கொள்கிறேன்,” என்று கூறினார்.
எனக்கு நேரமில்லை என்று உடற்பயிற்சி செய்வதை தவிர்த்து அலைபேசியில் மூழ்கி இருக்கும் இளைஞர் களுக்கு வெறும் வாய்வார்த்தைகளோடு அறிவுரை, யோகா என்ற பெயரில் புல்லில் மெல்ல நடந்து அதை 13 காமிராக்களை வைத்து காண்பிக்கும் நபர்கள் முன்பு வாய்ப்பு கிடைக்கும் போதெல்லாம் உடற்பயிற்சி செய்து காண்பிக்கும் தமிழ்நாடு முதலமைச்சர் மு.க.ஸ்டாலின், காங்கிரஸ் தலைவர்களுள் ஒருவரான ராகுல்காந்தி மற்றும் பீகார் துணை முதலமைச்சர் தேஜஸ்வி போன்றோர் சிறந்த எடுத்துக்காட்டாக உள்ளனர்.
