தமிழ்நாடு புவிசார் குறியீட்டு பொருட்கள் முதலமைச்சர் மு.க. ஸ்டாலின் முக்கிய அறிவிப்பு

சென்னை, மே 12- தமிழ்நாடு புவிசார் குறியீட்டு பொருட்களுக்கு வெளிநாடு களில் நல்ல வரவேற்பு இருக்கிறது. எனவே அதன் தரம் குறைந்துவிடக் கூடாது என்று முதல்-அமைச்சர் மு.க.ஸ்டாலின் கேட்டுக் கொண் டுள்ளார். 

ஒன்றிய அரசின் வர்த்தக அமைச் சகத்தின் கட்டுப்பாட்டின் கீழ் இயங்கும் இந்திய ஏற்றுமதி நிறுவனங்களின் கூட்டமைப்பு (பியோ) சார்பில் தென் மண்டல சிறந்த ஏற்றுமதியாளர் விருது வழங்கும் விழா சென்னை ஆழ்வார்ப் பேட்டையில் உள்ள நட்சத்திர ஓட் டலில் நேற்று (11.5.2022) நடைபெற்றது.

விழாவுக்கு கூட்டமைப்பின் தலை வர் ஏ.சக்திவேல் தலைமை தாங்கினார். தமிழ்நாடு தொழில்துறை அமைச்சர் தங்கம் தென்னரசு, சிறு, குறு-நடுத்தர தொழில் நிறுவனங்கள் துறை அமைச் சர் தா.மோ.அன்பரசன், அரசு செயலா ளர் அருண் ராய், கூட்டமைப்பின் தலைமை செயல் அதிகாரி அஜய் சகய் ஆகியோர் முன்னிலை வகித்தனர்.

தமிழ்நாடு முதல்-அமைச்சர் மு.க.ஸ்டாலின் சிறப்பு விருந்தினராக பங்கேற்று, சிறந்த ஏற்றுமதியாளர் களுக்கு விருதுகளையும், சான்றிதழ் களையும் வழங்கி பாராட்டினார். முதல்-அமைச்சர் மு.க.ஸ்டாலினிடம் சுங்கத்துறை சென்னை மண்டல தலைமை ஆணையர் எம்.வி.எஸ்.சவுத்ரி, ஜி.எஸ்.டி. மற்றும் கலால் வரி (சென்னை வடக்கு) ஆணையர் சுதா கவுக்கா ஆகியோர் வர்த்தக சேவைக் கான சிறப்பு விருதுகளை பெற்றனர். ஹூண்டாய் மோட்டார் நிறுவனத் துக்கு தலை சிறந்த ஏற்றுமதிக்கான தங்க விருது வழங்கப்பட்டது. இந்த விருதை அந்த நிறுவனத்தை சேர்ந்த கணேஷ் மணி தலைமையிலான அதி காரிகள் குழுவினர் முதல்-அமைச்சர் மு.க.ஸ்டாலினிடம் பெற்றுக் கொண் டனர்.

முதலமைச்சர் உரை

விழாவில் முதல்-அமைச்சர் மு.க.ஸ்டாலின் பேசியதாவது:-

கடந்த 2020-2021-ஆம் ஆண்டில், இந்தியாவின் பன்னாட்டு வர்த்தகத்தில் ரூ.1 லட்சத்து 93 ஆயிரம் கோடி ஏற்று மதி செய்து 8.97 சதவீத பங்களிப்புடன் இந்தியாவிலேயே 3-ஆவது பெரிய மாநிலமாகத் தமிழ்நாடு திகழ்கிறது என்பதை நான் மகிழ்ச்சியுடன் தெரிவித்துக் கொள்ள விரும்புகிறேன். இது ஆண்டுதோறும் அதிகமாக வேண்டும். தமிழ்நாடு முதன்மையான மாநிலமாக ஆக வேண்டும் என்பதுதான் இந்த அரசினுடைய விருப்பம், என்னுடைய லட்சியம்.

தமிழ்நாட்டின் தற்போதைய ஏற்றுமதி அளவு 26 பில்லியன் டாலர். அதில் இருந்து 2030-ஆம் ஆண்டிற்குள் 100 பில்லியன் அமெரிக்க டாலராக உயர்த்த வேண்டும். இதனை அடைவ தற்கான புதிய உத்தியை கடந்த ஆண்டு செப்டம்பர் 22-ஆம் தேதி நான் வெளியிட்டேன். இதற்காக, பல்வேறு முன் னெடுப்புகளை அரசு செய்து வருகிறது. அதில் சிலவற்றை மட்டும் உங்களுக்கு நான் நினைவுபடுத்த விரும்புகிறேன். சென்னையின் வர்த்தக வளர்ச்சிக்கு குறிப்பாக, ஏற்றுமதிக்கு உயிர்நாடி யாகத் திகழக்கூடிய மதுரவாயல் சென்னை துறைமுகம் உயர்மட்டச் சாலைத் திட்டத்தை நிறைவேற்றிட ரூ.5,570 கோடி மதிப்பீட்டில் 20.6 கி.மீ. நீளமுள்ள இரட்டை அடுக்கு உயர்மட்டச் சாலை அமைக்கப்பட நடவடிக்கை எடுக்கப்பட்டு வருகிறது.

24 பொருட்களுக்கு புவிசார் குறியீடு பெற விண்ணப்பம்

தமிழ்நாட்டின் தனித்தன்மையான தஞ்சாவூர் ஓவியங்கள், தட்டுகள், வீணை, கோவை கோரா காட்டன் சேலைகள், கோவில்பட்டி கடலை மிட்டாய், சேலம் பட்டு, ஈரோடு மஞ்சள், அலப்பை பச்சை ஏலக்காய், நீலகிரி தேயிலை, சிறீவில்லிப்புத்தூர் பால் கோவா, பழனி பஞ்சாமிர்தம், சிறுமலை மலை வாழைப்பழம் என 43 புவிசார் குறியீடு பெற்ற பொருட்கள் அதில் இருக்கிறது. கம்பம் பன்னீர் திராட்சை, சேலம் ஜவ்வரிசி, உடன்குடி பனங் கருப்பட்டி, மணப்பாறை முறுக்கு, தூத்துக்குடி மக்ரோனி, பண்ருட்டி முந்திரி மற்றும் பலாப்பழம், மார்த் தாண்டம் தேன் உள்ளிட்ட 24 பொருட்களுக்கு புவிசார் குறியீடு பெற விண் ணப்பித்து பரிசீலனையில் இருக்கிறது.

வெளிநாடுகளிலும், இந்தப் பொருட் களுக்கு நல்ல வரவேற்பு இருக்கிறது. இதன் மூலம், நமது உற்பத்தியாளர்களும், ஏற்றுமதியின் மூலம் மேன்மை அடைந் திட முடியும். இவற்றை அதிகமாகத் தயாரிக்க வேண்டும். அதே நேரத்தில், கொஞ்சமும் தரம் குறைந்துவிடக் கூடாது. தமிழ்நாட்டில் இப்போது இருக்கும் திறனையும் வளத்தையும் வைத்துப் பார்க்கும்போது, ஏற்றுமதி யில் நாம் இன்னும் பல மடங்கு உயர முடியும். இதனை அரசும், பியோ அமைப்பும் இணைந்து நிச்சயம் நிறைவேற்ற முடியும்.

இவ்வாறு அவர் பேசினார்.

விழாவில் பியோ அமைப்பின் மண்டல தலைவர் இஸ்ரார் அகமது வரவேற்று பேசினார். துணை தலைவர் கலித் கான் நன்றி கூறினார். 

இந்த விழாவில் கொங்குநாடு மக்கள் தேசிய கட்சி தலைவர் ஈ.ஆர்.ஈஸ்வரன், தமிழ்நாடு வர்ததக சபையின் தலைவர் சோழ நாச்சியார் ராஜசேகர் உள்ளிட்டோர் கலந்து கொண்டனர்.