சென்னை, மே 23- பிளஸ் 1, மற்றும் பிளஸ் 2 விடைத்தாள் மதிப்பீடு செய்யும் பணியை ஜூன் 1 மற்றும் 9ஆம் தேதிகளில் தொடங்க வேண்டும் என்று தேர்வுத்துறை உத்தரவிட்டு உள்ளது. தமிழ்நாட் டில் பிளஸ் 2 தேர்வு கடந்த 5ஆம் தேதி தொடங் கியது. வரும் 28ஆம் தேதியுடன் முடிகிறது.
பிளஸ் 1 வகுப்புக்கான தேர்வு கடந்த 10ஆம் தேதி தொடங்கி 31ஆம் தேதியுடன் முடிகிறது. இதன் தொடர்ச்சியாக விடைத் தாள் திருத்தும் பணியும் தொடங்க அனைத்து ஏற்பாடுகளையும் தேர் வுத்துறை செய்து வருகிறது.
அதனால், பிளஸ் 2 வகுப்பு தேர்வுகளில் 5, 9, 11 மற்றும் 13ஆம் தேதிகளில் நடந்த தேர்வுகளின் விடைத்தாள்கள் கடந்த 14ஆம் தேதி தொகுக்கப்பட்டு, 15, 16ஆம் தேதிகளில் விடைத்தாள்களின் முகப்பு பக்கங்கள் நீக்கப்பட்டு டம்மி எண்கள் போடும் பணி நடந் தது. இதையடுத்து 28ஆம் தேதி இந்த விடைத்தாள்கள் அந்தந்த விடைத் தாள் திருத்தும் மய்யங்களுக்கு அனுப் பும் பணி தொடங்க உள்ளது.
விடைத்தாள்கள் திருத்துவதற் காக தமிழ்நாட்டில் 40 மய்யங்கள் உருவாக்கப்பட்டுள்ளன. சென் னையில் 4 இடங்களில் மய்யங்கள் அமைக்கப்பட்டுள்ளன. இந்த மய்யங்களில் சுமார் 20 ஆயிரம் முதுநிலை பட்டதாரி ஆசிரியர்கள் விடைத்தாள் திருத்தவும் நியமிக் கப்பட்டுள்ளனர். இதையடுத்து, ஜூன் 1ஆம் தேதி முதன்மைத் தேர்வர்கள், தனி அதிகாரிகள் பிளஸ் 2 விடைத்தாள்களை திருத் துவார்கள். அதைத் தொடர்ந்து ஜூன் 2ஆம் தேதி முதல் 8ஆம் தேதி வரை முதுநிலை பட்டதாரி ஆசிரியர்கள் விடைத்தாள்களை திருத்துவார்கள்.
அதேபோல, பிளஸ் 1 வகுப்புக் கான தேர்வு விடைத்தாள்கள் அனைத்தும் மே 21ஆம் தேதி அனைத்து தேர்வு மய்யங்களில் இருந்தும் தொகுக்கப்பட்டு 22, 23ஆம் தேதிகளில் விடைத்தாள் முகப்பு பக்கங்கள் நீக்கப்பட்டு டம்மி எண்கள் போடப்படுகிறது. இதையடுத்து, ஜூன் மாதம் 4ஆம் தேதி விடைத்தாள் திருத்தும் மையங்களுக்கு பிரித்து அனுப்பி வைக்கப்படும். அதன் தொடர்ச்சி யாக ஜூன் 9ஆம் தேதி முதன்மைத் தேர்வர்கள், தனி அதிகாரிகள் விடைத் தாள்களை திருத்துவார் கள். பின்னர் ஜூன் 10ஆம் தேதி முதல் 17ஆம் தேதி வரை முதுநிலை பட்டதாரி ஆசிரியர்கள் விடைத் தாள்களை திருத்துவார்கள். இதில் அரியர் தேர்வு எழுதியோரின் விடைத்தாள்கள் 11ஆம் தேதியுடன் திருத்தி முடிக்கப்பட வேண்டும் என்று தேர்வுத்துறை உத்தரவிட்டு உள்ளது.
No comments:
Post a Comment