அசாம் மாநில காவல்துறை தேர்வில் முறைகேடு....

பா.ஜ.க. தலைவர் தேடப்படும் குற்றவாளியாக அறிவிப்பு!

கவுகாத்தி, அக்.1 அசாம் மாநிலத்தில் காலியாக இருக்கும் 597 காவல் உதவி ஆய்வாளர்கள் பணியிடங்களுக்கு கடந்த செப்டம்பர் 20-ஆம் தேதி தேர்வு நடைபெற்றது. 66 ஆயிரம் பேர் இந்தத் தேர்வை எழுதினர். ஆனால், தேர்வுக்கான கேள்வித்தாள் முன்கூட்டியே வெளியானதால், துவங்கிய சிறிதுநேரத்திலேயே 154 மய்யங்களிலும் தேர்வு ரத்து செய்யப்பட்டது.

காவல்துறை விசாரணையில், பாஜக கிசான் மோர்ச்சா-வின் தேசிய நிர்வாக உறுப்பினராக இருக்கும் திபன் தேகா (DibanDeka), முன்னாள் காவல்துறை டிஅய்ஜி

பி.கே.தத்தா ஆகியோருக்கு தொடர்பிருப்பது அம்பலமானது. குட்டு வெளிப்பட்டதும் அவர்கள் தலை மறைவாகினர். இதையடுத்து, திபன் தேகா-வும், முன்னாள்டிஅய்ஜி  பி.கே.தத்தாவும் தற்போது தேடப்படும் குற்றவாளிகளாக அறிவிக்கப்பட்டுள்ளனர்

அவர்களைப்பற்றி துப்பு கொடுப்பவர்களுக்கு ரூ.1 லட்சம் பரிசும் அறிவிக்கப்பட்டுள்ளது.  பி.கே. தத்தாவின் வீடு மற்றும் விடுதிகளில் சோதனை நடத்திய ​​காவல் துறையினர், அங்கிருந்து ஆட்சேர்ப்பு தேர்வு தொடர்பான ஆவணங்கள், 1.522 கிலோதங்கம் மற்றும் ஒரு கைத்துப் பாக்கி ஆகியவற்றை  பறிமுதல் செய்துள்ளனர்.