பள்ளி மாணவர்களுக்கான காலாண்டு விடுமுறை நீட்டிப்பு

சென்னை, செப்.28 பள்ளி மாணவர்களுக்கான காலாண்டு தேர்வு விடுமுறையை நீட்டித்து கல்வித்துறை உத்தரவிட்டு இருக்கிறது.  

இதுகுறித்து பள்ளிக்கல்வி ஆணையர் நந்தகுமார் மற்றும் தொடக்கக்கல்வி இயக்குனர் அறிவொளி ஆகி யோர் கூட்டாக வெளியிட்டுள்ள அறிக்கையில் கூறியிருப்பதாவது:-  

காலாண்டு தேர்வு முடிவுற்று அளிக்கப்பட வேண்டிய விடுமுறை குறித்து கீழ்கண்டவாறு அறிவுரைகள் முதன்மைக் கல்வி அலுவலர், மாவட்டக் கல்வி அலுவலர் மற்றும் வட்டாரக் கல்வி அலுவலர்களுக்கு வழங்கப்படு கிறது. வருகிற 30-ஆம் தேதி காலாண்டுத் தேர்வு முடிந்தவுடன், அடுத்த மாதம் (அக்டோபர்) 1-ஆம் தேதி முதல் 5-ஆம் தேதி வரை விடுமுறை ஏற்கெனவே அறிவிக்கப்பட்டு இருந்தது.

அதற்கு பதிலாக ஈடுசெய்யும் விடுப்பு அளிக்குமாறு தொடர்ந்து ஆசிரியர் சங்கங்களும், ஆசிரியர்களும் கேட்டுக்கொண்டதன் அடிப்படையில் அடுத்த மாதம் 6, 7, 8 ஆகிய 3 நாட்களும் ஈடுசெய்யும் விடுப்பாகக் கருதப்படும். எப்போது பள்ளிகள் திறப்பு? பள்ளிக்கல்வி மற்றும் தொடக்கக்கல்வி கட்டுப்பாட்டின் கீழ் உள்ள 6-ஆம் வகுப்பு முதல் 12-ஆம் வகுப்புகளுக்கு அடுத்த மாதம் 10-ந்தேதியன்று பள்ளிகள் திறக்கப்படும். தொடக்கப்பள்ளிகளில் 1 முதல் 5-ஆம் வகுப்பு வரையில் கையாளும் ஆசிரியர்களுக்கு அடுத்த மாதம் 10, 11, 12-ஆம் தேதிகளில் எண்ணும் எழுத்தும் 2-ஆம் கட்ட பயிற்சி மாநில கல்வியியல் ஆராய்ச்சி மற்றும் பயிற்சி நிறுவன இயக்குனரின் கடிதத்தில் தெரிவித்துள்ளவாறு நடத்த இருப்பதால், 1-ம் வகுப்பு முதல் 5-ஆம் வகுப்பு வரையில் படிக்கும் மாணவர்களுக்கு மட்டும் அடுத்த மாதம் 13-ஆம் தேதி பள்ளிகள் திறக்கப்படும் என அறிவுறுத்தப்படுகிறது. இவ்வாறு அதில் அவர்கள் தெரிவித்துள்ளனர்.