செய்தியும், சிந்தனையும்....!

ஈரோட்டிலேயே...

* தேர்தல் நடக்கும் ஈரோட்டையடுத்த பக்கத்து மாவட்டங் களில் முதலமைச்சர் கள ஆய்வு நடத்துவது தவறு.

- அ.தி.மு.க. குற்றச்சாட்டு

>> ஓ, ஈரோட்டிலேயே நடத்தவேண்டும் என்கிறார் களா?

எங்கே போச்சு?

* மேகாலயா, நாகலாந்து தேர்தலில் 80 பி.ஜே.பி. வேட்பாளர் களில் 70 பேர் கிறிஸ்தவர்கள்.

>> இப்பொழுது எங்கே போச்சு சிறுபான்மையினர் எதிர்ப்பு?

ஓ, அந்தக் கடவுளுக்கா?

* அமர்நாத் பனிலிங்கம் - 12 ஜோதிர் லிங்க தரிசனம்.

>> ஓ, கோடை காலத்தில் காணாமல் போகும் அந்தக் கடவுளுக்கா?

 அறிவுரைதான் மலிவானது!

* லோக்சபாவில் எம்.பி.,க்களுக்குள் வாக்கு வாதத்தில் ஈடுபடக் கூடாது. இதை மாநகராட்சியாக மாற்றாதீர்கள்.

- ஓம்பிர்லா, மக்களவைத் தலைவர்

>> ஆமாம், சபாநாயகராக இருந்து ‘பிராமணர்கள்' சங்க மாநாட்டில் பேசலாம்!

யாருக்கு இந்த அறிவுரை?

* அரசியல் குறித்து ஆளுநர்கள் அதிகம் பேசக்கூடாது.

- ஜார்க்கண்ட் ஆளுநராக நியமிக்கப்பட்ட சி.பி.ராதாகிருஷ்ணன் 

>> யாருக்கு இந்த அறிவுரை? ஆளுநர்கள் ஆர்.என்.ரவிக்கும், தமிழிசைக்குமா? சேம் சைடு கோல் என்பது இதுதானோ!