“கற்போம் பெரியாரியம்” ஆசிரியருக்கு வாழ்த்து - Viduthalai

சுடச்சுட

Viduthalai

உலகின் ஒரே பகுத்தறிவு தமிழ் நாளேடு.The World's only Tamil Rationalist daily.

Saturday, January 22, 2022

“கற்போம் பெரியாரியம்” ஆசிரியருக்கு வாழ்த்து

(வெண்பா)

பேணி நாம்கற்போம் பெரியா ரியம்தன்னை

மாநிலத்தீர் ஏற்பீர் மனமுவந்து - நாநிலமும்

போற்றும் பெரியார் புகழ் சேர் வரலாற்றை

மாற்றமின்றித் தந்தார் மகிழ்ந்து!

 

கற்கண்டாய்த் தான் இனிக்கும் கட்டுரைகள் அத்துணையும்

பொற்குடமாம் கண்ணே நீ போற்றிடுக - விற்பன்னர்

ஆசிரியர் அய்யா அருமைசேர் வீரமணி

வாசிக்கத் தந்த நூலை வாழ்த்து!

 

நல்ல பெரியாரின் நற்திறனைக் காட்டுதற்கு

இல்லையம்மா வேறு நூல் இந்நூல் போல் - முல்லையே

ஏழிரண்டு நற்தலைப்பில் இந்நூலைத் தந்தவரை

வாழியவே என்று சொல்லி வாழ்த்து!

 

நீண்ட வரலாற்றை நில்லாது நாம் படிக்கத்

தூண்டுகிற பெட்டகமாம் தூயவளே - மாண்புசேர்

நல் வீர மணியய்யா நாட்டிற்குத் தந்த நூலை

எல்லாரும் கற்போம் இணைந்து!

 

முன்னூறு நன்கொடையில் முத்தான இந்நூலை

எண்ணிக் கொடுத்தவரை ஏற்றிடுக - பன்னூல்கள்

கற்றிட்ட நற்பயனைக் காட்டுகிற கேப்சூலாய் (சிணீஜீsuறீமீ)

அற்புதமாய்த் தந்தார் அறிந்து!

 

அய்யாவின் சாதனைகள் அத்துணையும் தான் சொல்லி

மெய்சிலிர்க்க வைத்திட்டார் மேன்மையுடன் - பொய்கலவா

நல்ல வரலாற்றை நாம் படிக்கத் தந்தவரை

வல்லவர் என்று தினம் வாழ்த்து!

- தேவத்தூர் .காந்தி

தலைமை ஆசிரியர் (ஓய்வு)

ஒட்டன்சத்திரம், திண்டுக்கல் மாவட்டம்

No comments:

Post a Comment