‘‘பிச்சை எடுத்தோ, திருடியோ, எப்படியோ ஆக்சிஜன் வாங்குங்கள்!” மத்திய அரசுக்கு டில்லி உயர்நீதிமன்றம் வலியுறுத்தல்!

புதுடில்லி, ஏப்.22 “பிச்சை எடுங்கள், திருடுங்கள், கடன் வாங்குங்கள், பணம் கொடுத்து வாங்குங்கள்... எதை வேண்டுமானாலும் செய்யுங்கள். ஆனால் உயிருக்குப் போராடும் நோயாளிகளுக்கு ஆக்சிஜன் கிடைப்பதை உறுதி செய்யுங்கள்என மத்திய அரசுக்கு டில்லி உயர்நீதிமன்றம் அறிவுறுத்தியுள்ளது.

டில்லியில் உள்ள பிரபல தனியார் மருத்துவமனை ஒன்று தங்களது மருத்துவமனையில் சிகிச்சை பெற்று வரும் நோயாளிகளுக்கு செலுத்துவதற்கு போதிய ஆக்சிஜன் இல்லாத சூழல் இருப்பதாகவும், இந்த நிலை தொடர்ந்தால் பெரும் ஆபத்து ஏற்படும் என்பதால் தங்களுக்கான ஆக்சிஜனை உடனடியாக வழங்க அரசுக்கு உத்தரவிடுமாறும் மனுத் தாக்கல் செய்திருந்தது.

இந்த மனுவை நேற்று (21.4.2021) விசாரித்த டில்லி உயர்நீதிமன்றம், உரிய நடவடிக்கை எடுக்காத மத்திய அரசுக்கு தனது கண்டனங்களை தெரிவித்தது.

நோயாளிகளுக்குத் தேவையான மருத்துவ வசதி களை செய்து தருவது என்பது அரசின் அடிப்படைக் கடமை. அதனை மத்திய அரசு சரிவர செய்யவேண்டும். ஆக்சிஜன் பற்றாக்குறையைப் போக்குவதற்கு திரு டுங்கள், பிச்சை எடுங்கள், கடன் வாங்குங்கள் அல்லது பணம் கொடுத்து எதையாவது செய்யுங்கள். ஆனால், ஆக்சிஜன் விநியோகம் செய்யுங்கள்என மத்திய அரசை காட்டமாக டில்லி உயர்நீதிமன்றம் கேட்டுக் கொண்டது.

வழக்கின் விசாரணையை ஒருநாள் ஒத்திவைக்க வேண்டும் என மத்திய அரசின் வழக்குரைஞர் கேட்டபோது, இன்று இரவு ஆக்சிஜன் இல்லாமல் உயிரிழப்பு ஏற்பட்டால் அதற்கு நீங்கள் பொறுப்பு ஏற் பீர்களா? எனக் கேட்டதோடு மட்டுமல்லாமல், தொழிற்சாலைகளில் பயன்படுத்தப்படும் ஆக்சிஜன் களை மருத்துவத் தேவைகளுக்குப் பயன்படுத்த வேண்டியதுதானே என கேள்விகளை எழுப்பினர்.

தொழிற்சாலைகள் தயாரிக்கும் ஆக்சிஜன் அவர் களுக்கு ஆனது. அதுமட்டுமில்லாமல், பெட்ரோலியம் உள்ளிட்ட முக்கிய துறைகளுக்கான ஆக்சிஜன் தேவை என்பது கட்டுப்பாடில்லாமல் இருக்க வேண்டும் என மத்திய அரசு சார்பில் தெரிவிக்கப்பட்டது. அதற்கு மீண்டும் கேள்வி எழுப்பிய நீதிபதிகள், ‘மக்கள் உயி ரிழந்து கொண்டிருக்கும் சூழலில் நீங்கள் தொழிற் சாலைகள் குறித்து கவலைப்படுகிறீர்கள், டில்லியில் மருத்துவமனைகளில் ஆக்சிஜன் இல்லாமல் இருக்கக் கூடிய சூழல் மிகவும் அபாயகரமானது. நாங்கள் வெறும் டில்லியை குறித்து மட்டும் பேசவில்லை ஒட்டுமொத்த இந்தியா முழுவதும் ஆக்சிஜன் பற்றாக்குறை இல்லாமல் பார்க்க வேண்டியது அரசின் பொறுப்பு. இதற்காக தொழிற்சாலைகளுக்கு செல்லவேண்டிய ஆக்சிஜன் களை உடனடியாக மருத்துவ சேவைகளுக்குத் திருப்பி விடுங்கள்என நீதிபதிகள் அறிவுறுத் தினர்.

முந்தைய தினமே இந்த வழக்கை விசாரித்தபோது ஆக்சிஜன் விநியோ கத்தை உறுதிப்படுத்துங்கள் என கூறியி ருந்தோம். ஒருநாள் முடிந்துவிட்டது. என்னதான் செய்து இருக்கிறீர்கள்?” என மீண்டும் அழுத்தமான கேள்வி எழுப் பிய டில்லி உயர்நீதிமன்ற நீதிபதிகள், “டாடா நிறுவனம் தனது சார்பில் ஆக்சிஜனை உரு வாக்கும்போது மற்றவர்கள் ஏன் அதனை செய்யக் கூடாது? இந்த இக்கட்டான சூழலில் அனைவரும் மனிதாபிமானத்துடன் நடந்துகொள்ள வேண்டும்.''

தொழிற்சாலைகளுக்கு ஆக்சிஜன் பற்றாக்குறை ஏற்பட்டால் வானம் ஒன்றும் இடிந்து விழுந்து விடப்போவதில்லை. எனவே மருத்துவ சேவைக்கான ஆக்சிஜன் தேவையை உடனடியாக நிறைவு செய் யுங்கள்என கூறினர்.

ஏற்கெனவே தலைநகர் டில்லிக்கு 420 மெட்ரிக் டன் ஆக்சிஜன் வழங்க அரசாணை பிறப்பிக்கப்பட்டு இருப் பதை மத்திய அரசு சார்பில் ஆஜரான வழக்குரைஞர் சுட்டிக்காட்டியபோது, “மருத்துவமனைகளுக்கு ஆக் சிஜன் வருவதை உறுதிப்படுத்துங்கள். தேவைப்பட்டால் வான்வழியாக ஆக்சிஜனை எடுத்துச் செல்லவும் நடவடிக்கை எடுங்கள்என கூறினர்.

இதையடுத்து தொடர்ந்து வழக்கு விசாரிக்கப்படும் என கூறி வழக்கு விசாரணையை நீதிபதிகள் ஒத்தி வைத்தனர்.

Comments