திராவிட இயக்க மாபெரும் சாதனை

 (அபாயத்தைச் சந்திக்கும் தமிழ் நாட்டின் வளர்ச்சிக் கோட்பாடு)

The Hindu 25.03.2021 நாளிதழின் நடுப்பக்கத்தில் Tamilnadu's distinct growth path is in peril கட்டுரை  வெளியாகியிருக்கிறது.

இந்தியாவின் பிற மாநிலங்களோடு ஒப்பிட்டால், தமிழ்நாட்டின் வளர்ச்சி எப்படி எல்லோரையும் உள்ளடக்கியதாக, எல்லா அம்சங்களையும் உள்ளடக்கிய தாக இருக்கிறது என விவரிக்கிறது இந்தக் கட்டுரை.

அந்த வளர்ச்சிக் கோட்பாடு எப்படி இன்றைக்கு அபாயத்தில் இருக்கிறது_ என்பதையும் கட்டுரை சொல்கிறது.

(கட்டுரையிலிருந்து சில செய்திகள்:)

1. இந்தியாவின் வளர்ச்சியில் ஒருமிகப் பெரிய பிரச்சினையாக சமூக - பொருளாதார ஏற்றத்தாழ்வு உருவெடுத்திருக்கிறது. ஏதோ ஒரு குறிப்பிட்ட விசயத்தில் வளர்ச்சியைச் சந்திக்கும் மாநிலம், மற்றொரு விசயத்தில் கோட்டைவிடுகிறது. உதாரணமாக, இமாச்சல பிரதேசமும் கேரளாவும் மனிதவளக் குறியீடுகளில் சிறப்பாக இருக்கின்றன. ஆனால், உற்பத்தி பொருளாதாரத்தில் பின்னடைந்திருக்கின்றன. மகாராட்டிராவிலும் குஜராத்திலும் துடிப்பான உற்பத்தி இருக்கிறது. ஆனால், மனித வளக் குறியீடுகள் மேம்படவில்லை.

2.  ஆனால், இந்த விசயத்தில்தான் தமிழ்நாடு மாறுபட்டு நிற்கிறது. துடிப்பான உற்பத்தி பொருளாதாரத்தோடு, நல்ல மனிதவளக் குறியீடுகளும் இருக்கின்றன. இந்த மாநிலத்தில் உள்ள அரசியல் சூழல் இதற்கு முக்கியமான காரணம்.

3. மாநிலத்தின் திராவிட அணிதிரட்டல் என்பது இரண்டு விதமான கொள்கைகளை இங்கே நிலைக்கச் செய்துவிட்டது. ஒன்று -  பொருளாதாரரீதியில் மக்களுக்கான நடவடிக்கைகள். மற்றொன்று - சமூக ரீதியில் மக்களுக்கான நடவடிக்கைகள். சமூகரீதியிலான  நடவடிக்கையைப் பொறுத்தவரை, இடஒதுக்கீடு, நிலச் சீர்திருத்தம், பெண்களுக்குச் சொத்துரிமை போன்றவற்றைக் குறிப்பிடலாம். பொருளாதார நடவடிக்கைகளைப் பொறுத்தவரை, மக்களிடம் உள்ள வறுமையை மனதில் கொண்டு அளிக்கப்பட்ட உணவு மற்றும் கல்விக்கான மானியங்கள் முதலியவற்றைக் குறிப்பிடலாம்.

4. இந்தியாவின் மனித வளக் கொள்கைகள் எப்போதுமே உயர்வர்க்கத்தினருக்குச் சாதகமாக இருப்பதாக மய்ரோன் வெய்னர் போன்ற அறிஞர்கள் சொல்கிறார்கள். அதனால்தான் அடிப்படைக் கல்வியைவிட சிலர் மட்டும் படிக்கும் உயர் கல்விக்கு அதிக பணம் செலவிடப்படுகிறது. ஆனால், தமிழ் நாட்டில் கல்விக்கும், சுகாதாரத்திற்கும் அளிக்கப்படும் முக்கியத்துவம், இம்மாநிலத்தை இந்தியாவிலிருந்து வேறு படுத்திக் காட்டுகிறது.

5. 1950களிலிருந்தே அடிப்படைக் கல்விக்கு,த் தமிழ்நாடு முக்கியத்துவம் அளித்துவருகிறது. பிறகு மெல்லமெல்ல உயர்கல்விக்கு முக்கியத்துவம் அளிக்க ஆரம்பித்தது.நீதிக்கட்சியின் ஆட்சியில் தொடங்கப்பட்ட மதிய உணவுத் திட்டம், ஒடுக்கப்பட்ட வகுப்பைச் சேர்ந்த மாணவர்களுக்கான விடுதிகள், இலவச போக்குவரத்து வசதிகள் ஆகியவை கல்வியை எல்லோருக்குமானதாக்கியிருக்கிறது. ஒருவர் அடிப்படைக் கல்விக்காக செலவழிப்பது இந்தியாவிலேயே இங்குதான் குறைவு.

6. உயர் கல்வியைப் பொறுத்தவரை மிகச்சிறந்த கட்ட மைப்பை உருவாக்கியிருப்பதோடு, இதில் அளிக்கப்படும் ஜாதி அடிப்படையிலான இட ஒதுக்கீடு பிற்படுத்தப்பட்டோருக்கும் பட்டியலினத்தவருக்கும் இடையிலான இடைவெளியைக் குறைக்க முயல்கிறது.

7. சுகாதாரத்தை எடுத்துக்கொண்டால், தாய் - சேய் இறப்பு விகிதம் இங்கு மிகக் குறைவு. சுகாதாரத் துறையில் நீண்ட காலமாக தொடர்ந்து செயல்பட்டதன் விளைவு இது. நாட்டிலேயே முதல் முறையாக மாநிலத்திற்கான 'திட்டக் கமிஷன்' இங்குதான் உருவாக்கப்பட்டது. சுகாதாரக் கட்டமைப்புக்கான முதலீடுகளுக்கு இதில் முக்கியத்துவம் அளிக்கப்பட்டது.

8. தனித்தனி அமைப்புகள், சேவைகளின் மூலம் மக்களின் குறிப்பான சுகாதாரத் தேவைகள் எதிர்கொள்ளப்பட்டன. உதார ணமாக 'தமிழ்நாடு' மெடிக்கல் சர்வீசஸ் கார்ப்பரேஷன் மூலம் அடிப்படையான மருந்துகள், பரிசோதனைகள் இலவசமாகச் செய்யப்பட்டன. இதனால், இந்தியாவில் மருத்துவத்திற்காகத் தனிநபர் செலவுசெய்வது இங்குதான் குறைவு.

9. அரசு தரும் பொருளாதாரச் சலுகைகளை பெரும்பாலும் ஒடுக்கப்பட்ட மக்கள் வெறுமனே அனுபவிக்கிறார்கள்; ஏதும் செய்வதில்லை என்ற பார்வை உண்டு. ஆனால், எங்களுடைய ஆய்வு இதனைப் பொய்ப்பித்தது. மகாராட்டிரா, குஜராத்தோடு ஒப்பிட்டால் "தமிழ்நாட்டில்தான் ஒடுக்கப்பட்ட வகுப்பைச் சேர்ந்த தொழில்முனைவோர் அதிகம்."

10.  நீண்ட காலமாக தமிழ்நாடு உயர்கல்வித் துறையில் குறிப்பிடத்தக்க முதலீடுகளைச் செய்திருந்ததால் தொழில்நுட்பக் கல்வி பயின்ற, ஒடுக்கப்பட்ட வகுப்பைச் சேர்ந்தவர்கள் மேலே வந்தார்கள். அதேபோல, தொழிலாளர்களின் நலன்களைப் பொறுத்தவரை, தமிழ்நாட்டில்தான் கூலியும் சமூகப் பாதுகாப்பும் பிற மாநிலங்களோடு ஒப்பிட்டால் சிறப்பாக இருந்தது.

11. இதற்கு முக்கியமான காரணங்களில் ஒன்று, பணியிடத்திற்கு வெளியில் இருந்த சமூகப் பாதுகாப்பு.

12. ஆனால், மத்திய அரசு நிதி ஒதுக்கீடு செய்வது, மாநிலங்களின் அதிகாரங்களைக் குறைப்பது ஆகியவற்றால் இந்த நிலை தற்போது அபாயத்திற்கு உள்ளாகியிருக்கிறது. மக்கள் கோரிக்கையை செயல்படுத்த முடியாமல் போகிறது. நீட் தேர்வு இதற்கு ஒரு உதாரணம். பல இடங்களிலும் ஏற்றத் தாழ்வுகள் அதிகரித்துவருகின்றன. அரசின் சமூக நலத் திட்டங்கள் போதாது என்ற நிலை ஏற்பட்டிருக்கிறது.

கட்டுரை எழுதியோர்: சென்னை வளர்ச்சி ஆய்வு நிறுவனப்  பேராசிரியர்கள்: . கலையரசன் , எம். விஜயபாஸ்கர்.

நன்றி: 'தி இந்து' -25.3.2021

Comments
Popular posts
நெடுஞ்சாலை இணைய தளத்தில் சென்னை - அண்ணாசாலை - காமராஜர் சாலை பெயர்களும் மாற்றப்பட்ட கொடுமை! நமது வன்மையான கண்டனம்!
Image
‘இந்து மதம்' என்ற ஆரிய - சனாதன மதத்தின் ஆணிவேரான வருணதர்மத்தை வேரோடும் வேரடி மண்ணோடும் பெயர்த்து எறிவதே புரட்சியாளர் அம்பேத்கருக்கு புகழ்மாலை சூட்டிப் பெருமை சேர்ப்பதாகும்!
Image
சாரைசாரையாக புறப்படும் தொழிலாளர்கள் பல்வேறு தொழில்கள் முடங்கும் அபாயம்
Image
மகாராட்டிராவைத் தொடர்ந்து தமிழ்நாட்டிலும் ஊரடங்கா? - சுகாதாரத் துறைச் செயலாளர் பதில்
Image
பெரியார் ஈ.வெ.ரா. நெடுஞ்சாலையின் பெயரை மாற்றுவதா? அரசியல் கட்சித் தலைவர்கள் கடும் கண்டனம்
Image