துபாயில் வசிக்கும் இந்தியர்களில் 10-க்கு 6 பேர் இதயநோயால் உயிரிழப்பு: ஆய்வில் தகவல்

துபாய், மார்ச் 26- துபாயில் வசிக்கும் இந்தியர்களில் 10-க்கு 6 பேர் இதய நோயால் உயிரிழக்கின்றனர் என்று கடந்த 2019ஆம் ஆண்டு நடத்தப் பட்ட ஆய்வில் தெரியவந்துள்ளது.

துபாயில் பொதுமக்கள் மத்தியில் இதயநோய் குறித்த விழிப்புணர்வை ஏற்படுத்துவது மற்றும் இதயத்தை பாதுகாப்பது தொடர்பான மருத் துவக் கருத்தரங்கு காணொலிக் காட்சி வழியாக நடந்தது. இந்த கருத் தரங்கை இந்திய துணை தூதர் மருத் துவர் அமன்புரி தொடங்கி வைத்தார். பின்னர் அவர், வளர்ந்து வரும் மருத் துவ தொழில்நுட்பத்தை பயன்படுத்தி ஒவ்வொருவரும் தங்களது உடல் நலனை பாதுகாப்பதில் அதிக அக் கறை செலுத்த வேண்டும் என கேட் டுக் கொண்டார்.

இந்த கருத்தரங்கில் கலந்துகொண்டு பேசிய ஷேக் இதய அறக்கட்டளையின் நிறுவனர் டாக்டர் பிரஜேஸ் மிட்டல் கூறியதாவது:-

தங்களது அறக்கட்டளை இதய பாதிப்பை தடுக்க தேவையான நட வடிக்கைகளை எடுத்து வருகிறது. துபாய் உள்ளிட்ட அமீரகத்தில் கடந்த 2019ஆம் ஆண்டு உயிரிழந்த இந்தியர்கள் குறித்த விவரங்கள் ஆய்வு செய்யப்பட்டது. இதில், அபு தாபி பகுதியில் இறந்தவர்களில் 10-க்கு 7 பேர் இதய நோய் காரணமாக இறந்துள்ளனர்.

துபாய் மற்றும் வடக்கு அமீரக பகுதிகளில் எடுக்கப்பட்ட ஆய்வு களில், உயிரிழந்த 10 இந்தியர்களில் 6 பேர் இதய நோய காரணமாக இறந்துள்ளது தெரிய வந்துள்ளது.

குறிப்பாக இந்த பாதிப்பு இளை ஞர்கள் மத்தியில் அதிகமாக இருந்து வருகிறது. அபுதாபியில் இந்த ஆண்டு இதய பாதிப்பு காரணமாக இறந்த 131 பேரில் 57 பேர் 20 வயது முதல் 40 வயதுக்கு உட்பட்டவர்கள் ஆவர்.

இந்த பாதிப்புக்கு ஆளாகிறவர்கள் இந்தியா உள்ளிட்ட ஆசிய நாட்டைச் சேர்ந்தவர்களிடம் அதிகமாக இருந்து வருகிறது. இதற்கு முக்கியக் காரணம் வேலையிடத்தில் உள்ள பிரச்சினைகள், வாழ்க்கை முறையில் மாற்றம், உணவு பழக்க வழக்கம் உள் ளிட்டவை ஆகும்.

உடல் எடை குறைப்பு, உடற்பயிற்சி, உணவுப் பழக்கங்களை மாற் றிக்கொள்வது உள்ளிட்டவற்றின் மூலம் இதுபோன்ற பாதிப்புகளை தடுக்க முடியும். அதனைத் தொடர்ந்து கேள்வி பதில் நிகழ்ச்சியும் நடந்தது. இதில் மருத்துவ வல்லுநர்களும், பொதுமக்கள் பலரும் கலந்து கொண் டனர்.

Comments