முதுநிலை சட்டக் கல்விக்கு அகில இந்திய நுழைவுத் தேர்வா?

சமூகநீதியைப் பறிக்கும் மத்திய பா... அரசுக்கு - தி.மு.. தலைவர் தளபதி மு..ஸ்டாலின் கண்டனம்

சென்னை,ஜன.9- “மாநில உரிமை களுக்கு விரோதமாக - கிராமப்புற மற்றும் நகர்ப்புற ஏழை மாணவர் களின் எதிர்காலத்தை மிகவும் பாதிக்கும் "முதுநிலை சட்டக் கல் விக்கு அகில இந்திய நுழைவுத் தேர்வுஎன்ற அரசிதழ் அறிவிப்பினை இந்திய பார் கவுன்சில் உடனடியாகத் திரும்பப் பெற வேண்டும்எனவும், சமூக நீதியை பறிக்கும் செயலில் பா... அரசு செயல்படக் கூடாது எனவும் திமுக தலைவர் தளபதி மு..ஸ்டாலின் அவர்கள் கண்டனம் தெரிவித்துள்ளார்.

இதுகுறித்து தி.மு.. தலைவர் தளபதி மு..ஸ்டாலின்  விடுத்துள்ள அறிக்கையில் கூறியிருப்பதாவது:

முதுநிலை சட்டப் படிப்பிற்கு (எல்.எல்.எம்.) இனிமேல் நீட் தேர்வு போன்று அகில இந்திய நுழைவுத் தேர்வுநடத்தப்படும் என இந்திய பார் கவுன்சில் அறிவித்திருப்பது மிகுந்த அதிர்ச்சியளிக்கிறது. ஏற்கெ னவே கிராமப்புற மற்றும் நகர்ப்புற மாணவர்களின் மருத்துவக் கனவைப் பறித்து விட்ட மத்திய பா... அரசு இப்போது, “இந்திய பார் கவுன்சில்மூலமாகச் சட்டக் கல்வியையும் கிரா மப்புற மாணவர்களுக்கு எட்டாக் கனியாக்கி விலக்கி வைக்கும் விதத்தில் இந்தத் தேர்வினை அறிமுகப்படுத்த நடவடிக்கை எடுத்து - அதற்காக அரசிதழும் வெளியிட்டிருப்பது மாநில உரிமைகளுக்கும் - கூட்டாட்சித் தத்துவத்திற்கும் எதிரானது.

சட்டப் படிப்பில் கிராமப்புற பழங்குடியின மாணவர்களுக்கு பாதிப்பு!

முதுநிலை சட்டப் படிப்பை இரண்டு ஆண்டுகளாக்கி - ஓராண்டு எல்.எல்.எம். ஒழிக்கப்படும் என்றும் அறிவிக்கப் பட்டுள்ளது. இந்த இரு அறிவிப்பு களுமே சட்டம் பயின்ற பிற்படுத்தப் பட்ட, பட்டியலின மற்றும் பழங்குடி யின இளைஞர்கள் யாரும் சட்ட மேற்படிப்பிற்குச் சென்று விடக் கூடாது என்ற உள் நோக்கம் கொண்டதோ என்ற மிகப் பெரிய சந்தேகம் எழுகிறது.

நீட் போன்ற இந்த அகில இந்திய நுழைவுத் தேர்வு, எல்.எல்.பி.க்கும் - அதாவது சட்டப் படிப்பிற்கும் கொண்டு வருவதற்கான முன்னோட் டம் போலவே இந்த அறிவிப்பு தெரி கிறது. சட்டப் படிப்பிலும் சமூக நீதியைப் பறிக்கும் முதுநிலைச் சட்டக் கல்விக்கான இந்த அகில இந்திய நுழைவுத் தேர்வு மிகுந்த கண்டனத்திற்குரியது. அரசு சட்டக் கல்லூரிகளில் சட்டக் கல்வியின் தரத்தை உயர்த்துவதற்குப் பதில், இது மாதிரிநுழைவுத் தேர்வுஎன்று கூறி, அடக்கப்பட்ட, ஒடுக்கப்பட்ட சமு தாயத்தைச் சேர்ந்த இளைஞர்களை மேலும் நிந்திப்பது, “சமவாய்ப்புவழங்குதல் என்ற அரசியல் சட்டத் தின் அடிப்படைக் கோட்பாட்டிற்கு முற்றிலும் விரோதமானதாகும்.

ஏழை - எளிய மாணவர்களை பாதிக் கும் அறிவிப்பை பார்கவுன்சில் திரும்பப் பெற வேண்டும்!

எனவே, மாநில உரிமைகளுக்கு விரோதமாக - கிராமப்புற மற்றும் நகர்ப்புற ஏழை மாணவர்களின் எதிர்காலத்தை மிகவும் பாதிக்கும்முதுநிலை சட்டக் கல்விக்கு அகில இந்திய நுழைவுத் தேர்வுஎன்று மாநில அரசுகளைக் கலந்து ஆலோசித்து கருத்து அறியாமல், வெளியிடப்பட்டுள்ள இந்த அரசிதழ் அறிவிப்பினை இந்திய பார் கவுன்சில் உடனடியாகத் திரும்பப் பெற வேண்டும் என்றும்; ஏழை - எளிய நடுத்தர மாணவர்களும் சட்டக் கல்வி பெறும் வகையில், அரசு சட்டக் கல்லூரிகளின் தரத்தை உயர்த்து வதற்கு மாநில அரசுகளுக்கு மத்திய பா... அரசு உதவிட முன்வந்திட வேண்டும் என்றும் திராவிட முன்னேற்றக் கழகத் தின் சார்பில் கேட்டுக் கொள்கிறேன்.

இவ்வாறு அறிக்கையில் குறிப் பிடப்பட்டுள்ளது.

Comments