‘தாண்டவ்' வெப் தொடர் குழுவினரின் நாக்கை அறுப்பவருக்கு ரூ. ஒரு கோடி பரிசாம்!

கர்னி சேனா இந்துத்துவா கும்பல் மிரட்டல்

 மும்பை, ஜன.26 தாண்டவ் வெப் தொடரில் இந்து கடவுள்களை அவ மதிப்பவர்களின் நாக்கை வெட்டினால் ரூ. ஒரு கோடி பரிசு அளிக்கப்படும் என்று மகாராட்டிரா கர்னி சேனா அமைப்பு அறிவிப்பு வெளியிட்டுள்ள தால் பரப்பரப்பு ஏற்பட்டிருக்கிறது.

அலி அப்பாஸ் ஜாஃபர் இயக்கத் தில் பிரபல பாலிவுட் நடிகர் சயிஃப் அலி கான், டிம்பிள் கபாடியா, சுனில் குரோவர் உள்ளிட்டோர் நடித்துள்ள தாண்டவ் வெப் தொடர் அமேசான் பிரைமில் வெளியாகியுள்ளது. அந்த தொடரில் இந்து கடவுள்கள் அவ மதிக்கப்பட்டுள்ளதாக சிலர் குற்றம் சாட்டியுள்ளனர்.

இந்நிலையில் மகாராட்டிரா கர்னி சேனா அமைப்பும் தாண்டவ் தொட ருக்குக் கடும் எதிர்ப்பு தெரிவித்துள் ளது. தாண்டவ் பற்றி மகாராட்டிரா கர்னி சேனா அமைப்பின் தலைவர் அஜய் செங்கர் கூறியிருப்பதாவது,

வெப் தொடரில் இந்து கடவுள் களை அவமதிப்பவர்களின் நாக்கை அறுப்பவர்களுக்கு ரூ. ஒரு கோடி பரிசளிப்போம். தாண்டவ் தொடர் சர்ச்சைக்காக அவர்கள் மன்னிப்பு கேட்டனர். ஆனால் அது போதாது. அவர்களின் மன்னிப்பை ஏற்க முடியாது என்றார்.

முன்னதாக உத்தரப்பிரதேச மாநிலம் லக்னோவில் அலி அப்பாஸ் ஜாஃபர், தாண்டவ் தொடரின் தயாரிப்பாளர் ஹிமான்ஷு கிருஷ்ண மெஹ்ரா, எழுத்தாளர் கவுரவ் சொலாங்கி உள்ளிட்டோர் மீது எஃப்.அய்.ஆர். பதிவு செய்யப்பட்டது.

இந்துக்களின் மத நம்பிக்கையை காயப்படுத்துவதாகக் கூறி லக்னோவை அடுத்து மும்பையிலும் அலி அப்பாஸ் ஜாஃபர், ஹிமான்ஷு மெஹ்ரா, கவுரவ் சொலாங்கி, அபர்ணா புரோகித், அமித் அகர்வால் மீது எஃப்.அய்.ஆர். பதிவு செய்யப்பட்டது.

தாண்டவ் தொடரில் இந்து கடவுள்களை கிண்டல் செய்துள்ள தாகக் கூறி, அதற்கு தடை விதிக்க வேண்டும் என்று பாஜக எம்.பி. மனோஜ் கோடக் தகவல் மற்றும் தொலைத்தொடர்புத் துறை அமைச் சர் பிரகாஷ் ஜவடேகருக்கு கடிதம் எழுதினார்.

எதிர்ப்பு கிளம்பியதை பார்த்த தாண்டவ் குழு மன்னிப்பு கேட்டது. தாண்டவ் குழுவினர் கூறியதாவது,

தாண்டவ் என்பது கற்பனைக் கதை. நிஜத்தில் யாரையும் குறிப்பது அல்ல. அப்படி ஏதாவது இருந்தால் அது எதேச்சையாக நடந்தது. எந்த ஒருவரின் ஜாதி, சமூகம், மதம், மத நம்பிக்கை காயப்படுத்துவதோ, அவ மதிப்பதோ எங்கள் நோக்கம் அல்ல.

இந்த தொடர் தெரிந்தோ, தெரி யாமலோ யாருடைய மத நம்பிக்கை யையாவது காயப்படுத்தியிருந்தால் அதற்காக தாண்டவ் குழுவினர் மன்னிப்புக் கேட்டுக் கொள்கிறோம் என்று தெரிவிக்கப்பட்டது.

Comments