அரியர் தேர்வை ரத்து செய்ய முடியாதாம்!

யு.ஜி.சி. மீண்டும் திட்டவட்டம்


சென்னை, நவ. 19- தமிழகத்தில் கலை-அறிவியல், பொறியியல், எம்சிஏ படிப்புகளில் அரியர் பாடங்களுக்கு தேர்வுக் கட் டணம் செலுத்தி தேர்வு எழுத விண்ணப்பித்த அனைத்து மாணவர்களும் தேர்ச்சி பெற் றதாக தமிழக அரசு அறிவித் தது.


அரசின் இந்த முடிவை ரத்து செய்யக்கோரி வழக்கு ரைஞர் ராம்குமார் ஆதித்தன், அண்ணா பல்கலைக்கழக முன்னாள் துணைவேந்தர் பாலகுருசாமி, ஆகியோர் சென்னை உயர்நீதிமன்றத்தில் வழக்கு தொடர்ந்திருந்தனர்.


இந்த வழக்குகளை விசா ரித்த உயர்நீதிமன்றம் தமிழக அரசு, பல்கலைகழக மானிய குழு (யுஜிசி), அகில இந்திய தொழில்நுட்பக் கல்வி கவுன் சில் (ஏ.அய்.சி.டி.இ) பதில ளிக்க உத்தரவிட்டிருந்தது. அகில இந்திய தொழில்நுட்பக் கல்வி கவுன்சில் தாக்கல் செய்த பதில்மனுவில், அரியர் தேர்வுகளுக்கு கட்டணம் செலுத்திய மாணவர்கள் அனைவரும் தேர்ச்சி என்ற அறிவிப்பு விதிகளுக்குப் புறம் பானது என தெரிவித்திருந்தது.


இந்த வழக்கு நீதிபதிகள் எம்.சத்தியநாராயணன், ஆர்.ஹேமலதா ஆகியோர் அடங்கிய அமர்வு முன் விசா ரணைக்கு வந்தது. அப்போது பல்கலைக்கழக மானியக் குழு தரப்பில் பதில் மனு தாக்கல் செய்ய கால அவகாசம் வழங்க வேண்டும் என கோரிக்கை விடுக்கப்பட்டிருந்தது.


இந்த நிலையில், வழக்கு 20ஆம் தேதி விசாரணைக்கு வரவிருக்கும் நிலையில், பல் கலைக்கழக மானியக் குழு தரப்பில் சென்னை உயர் நீதிமன்றத்தில் இன்று பதில் மனு தாக்கல் செய்யப்பட்டது. அந்த பதில் மனுவில், கல்லூரி மாணவர்களுக்கான அரியர் தேர்வை ரத்து செய்ய முடி யாது. அரியர் தேர்வுகள் கண் டிப்பாக நடத்த வேண்டும் என்று திட்டவட்டமாகத் தெரிவிக்கப்பட்டுள்ளது. அரியர் தேர்வு ரத்தை எதிர்த்த வழக்குடன் சேர்த்து விசா ரிக்க வேண்டும் என்ற கோரிக் கையை ஏற்று உயர் நீதிமன்றம் அறிவித்துள்ளது.


Comments